شكــــــــــــــــــــرآ!!

لو جربت مرة تمسك قلم وكام ورقة كدة وتكتب أسامى كل الناس اللى مروا ف حياتك
(وسابوا ذكــــــرى )
هتلاقي انك هتقسم الورق دة 3 اجزاء

صفحة للناس المهمة اوى اوى وال ما تقدرش تتخيل حياتك الا بوجودهم
زى عيلتك المكونة م ابوك وأمك واخواتك
الناس ال مصلحتك تهمهم وبيحبوك بدون اى سبب
لأن دى مشاعر طبيعية ربنا حطها فيهم و مش محتاجة اى مبررات !!
وهتلاقي عدد الناس دى قليل اوى يتعد ع ايدك
وذكرياتهم ما تتنسيش
لأنهم بيكونوا اول ايد تسندك اما تيجى تقع
ومش عايزين منك اى حاجة غير انك بس تكون بخير وسعيد



صفحة ولا 2 ولا يمكن 3 كدة للناس الغالية وال عرفتها من برة بيتك
زى مثلا الأصدقاااء..
الناس ال بيحطهم ربنا ف طريقك
عشان تحب الدنيا وتمشي فيها وهما جنبك ومعاك
ودول هتلاقي عددهم زيادة سنة بسيطة
وذكرياتهم م جمالها ما تتحكيش


ايام الجامعة واللمة وأجدع صُحاب
ايام الحكاوى والسهارى والخروجات
ايام المذاكرة ..دة لو كنتو بتذاكروا اصلا
وزنقة الامتحانات بقي والقلق والتوتر
حفلة التخرج والصور وتتخانق عشان تلاقيلك حتة تقف فيها
وتشيييييييييييييييييييييييييييز ^_^



اما الجزء التالت بقي هتكتب فيه وللأسف اسامى كتييييييييير
وهتخلصلك يجى 10 صفحات كدة :S


مابين ال زعلك!!
مابين ال ضايقك !!
مابين ال خانك وما عملش اعتبار لأى حاجة كويسة انت عملتهاله!!
مابين ال آذاك ف شغلك!!
مابين ال كان كل همه ف الدنيا يشوفك حزين عشان يبقي ف قمة فرحته!!


مابين حد حبك وعاش ع مشاعرك يومين وبان ع حقيقته بعدين !!
مابين حد اشتغلك اكمنك طيب حبيتين وبعد كدة ظهرت صورته السيئة !!


مابين ناس كنت طالع بيهم سابع سما وفجأة قالولك لأ لأ احنا مستوانا سابع أرض !!
مابين ناس ائتمنتها ع سرك وقلبك ونفسك ومكانوش اد الامااااااانة !!


مابين عشم ف حد كنت فاكره جدع وطلع بتاع مصلحته!!
مابين حد الكدب مغرقه م ساسه لراسه ومايعرفش حاجة اسمها صدق اصلا !!


مابين واحد ف وشك يقولك "حبيب قلبــــــــــى" فينك يا باشا والله ليك وحشة
وبعد ما تمشي م المكان .. سكاكين اد كدة طالعة ف حقك م لسااااااانه!!



مابين ومابين ومابين ولو قعدت اكتب مش هخلص
عايزاكو بس بعد ما تكتبوا اسامى النوعية دى من الناس
تمسكو الورق بتاعهم وتكتبـــــوا تحت خالص كلمة واحــــــــــــــــدة وهى

"شكــــــــــــــــــــــرآ"

شكرا لكل ذكرى وحشة اى حد سابها ف حياتك !!
شكرا انه اداك خبرة ف الحياة عشان تاخد بالك بعدين!!
شكرا انه وراك الوحش عشان لما تشوف الحلو بعدين تعرف تستطعمه !!

شكــــــــــــــــــــرآ!!


شكرا انه بيتقل ف ميزان حسناتك!!
شكرا انه بكل لحظة ألم انت حسيتها بسببه!!
خليتك تقووووووى !!
شكرااااااا انه قوااااااااااك !!


شكــــــــــــــــــــرآ!!


شكرا انه خلاك تقرب لربك اوى لما زعلت واتضايقت انه خذل ثقتك !!
شكرا انه جرحك وظلمك فخلاك تنطق اسم ربنا ع لسانك فكلمة "الله يسامحك"
شكرا انه حسسك بقيمة الناس المهمة ال يستحقوا يكونوا ف حياتك!!


شكــــــــــــــــــرا !!


شكرا كلمة من أربع حروف
وسهل كتابتها
ويمكن سهلة وانت بتنطقها
بس هتبقي نازلة زى الرصاصة عليهم !!

ما تستخسرش انك تقولهم شكرا
وقولها وانت راسك مرفوووووعة كدة
انك مانزلتش للمستوى ال عاملوك بيه !!


اصل الشكر للى عمل فيك معروف .. طبيعى
لكن الشكر لغير أهل المعروف .. من الأخلاق




Big thanks to everyone affected in my life and learned from him something and had a clear impact in my actions ( really i love u ) ♥ ♥ ♥

ده كلام كبير كده عليا

احرجتنى يا ابيه معرفتش ارد عليك . وده كالعاده طبعا


بس بجد شكرا الكبيره بقى جدااااااااااااااااااااااا ليكو انتو لانكوا عيشتونى احلى ايام قضيتها فى حياتى ومش هتتعوض تانى ابدا

ربنا يخليكو

العفو يا بيرو على اييه يعنى

شكرا ليكى انتى كمان ولعبد الرحمن عشان دخلتوا تانى هنا

وشكرا كبيييييييييييييييييييييره جدا كمان لانكوا من الناس اللى علمتونى كتير

كويس ان عنوان الموضوع ضحكك بغض النظر عن انت افتكرت ايه بس الحمدلله انه ضحكك

وتوقعك صح اصلا انا فعلا فى مرحله جديده فى حياتى

وشكرا على كلامك هنا جدااا و لو انا فهمت قصدك صح يبقى الحمدلله بحاون اكون صديقه نافعه عشان ينفع تكمل معاها


شكرا شكرا شكرااااااااااااا ( بتاعت فودافووون )