شعب ثاير

هش الكلاب من حوش عرينك ياوطن
نزل جلابيتك
وسيب الجرح علي صدرك يبان
اصرخ وصحي النايمين
اصرخ وفتح وردة دبلت
من قساوة الندي
اصرخ
واصرخ كمان
قلبي اللي كان مكتوم جبان
صدع شرايينه الزئير
قلبي اللي كان مكتوم جبان
وطي
نضف شرايينه من عفارة الهاربنين
الهاربنين ..
من قساوة غاز مسيل للدموع
الهاربنين..
من نار بترشق في الضلوع
قلبي اللي كان مكتوم جبان
انحني
قلبي انحنالك..يا وطن
ليه ابن امي لسة قلبه مانحناش ؟!
ناس م الاجانب كات بتنزل
لاجل ما تلتقط صورة
تسيبها في اول الصفحة وتفرح
هتبقي في لحظة مشهورة
بنت الاجانب
نسيت الصورة وبكت
لما شافت دمنا خارج
بيضحك
فرحان بوحدتنا
ولسة قلبك ما انحناش!!
هش الكلاب من حوش عرينك يا وطن
نزل جلابيتك
وافخر ان علي صدرك
...انا
شعبك الثاير

يااااااااااا فينك ياعم من زمان
جميله جدا يا محمد
واكتر جزء عجبنى ده

هش الكلاب من حوش عرينك ياوطن
نزل جلابيتك
وسيب الجرح علي صدرك يبان

وابقى خلينا نشوفك بقه

يا بيرو يعنى ايمن كان قصده ان محمد يقدر يكتب حاجه احسن من دى

فقال مش محمد سيد

وقال اهو ضياء ترجم اهو عشان ضياء قال اللى كان قصده عليه ايمن

ايه الاسامى الكتير دى


فهمتى؟؟