وإحنا لسه في إبتدائي ..

وإحنا لسه في إبتدائي ..

وسط اوراقى القديمة ....
اللى لسه منها باقى ...
شوفت صورتى بين زميلى ...
و احنا لسه فى إبتدائي ...
الوشوش كانت بسيطة ...
طاهرة لكن مش عبيطة ..
نرسم الأحلام خريطة ....
فى قلبها نقطة تلاقي ....
هو صاحبى
لما كان فى الدنيا صاحب
اما دول كانوم جيرانى .....
كل واحد فينا حقق ...
جزء من بعض الأمانى ...
ا ما دى الشاطرة البليدة ....
العنيدة أم الضفاير ….
تبقى حبى الأولانى .....
أد ايه حزنت عليها ...
لما راحت فصل تانى ....
ما احنا كنا تخته واحده ...
فى تانيه تالت ...
مره قلت ...
و هى قالت ..
لما مدت ايدها شالت ..
دمعة وقعت غصب عنى ....
جوه كراسة الحساب ..
كنا لسه صفحه بيضه فى الكتاب ...
الوشوش كانت بسيطه ....
طاهرة لكن مش عبيطه ...
نرسم الأحلام خريطة ...
فى قلبها نقطة تلاقى ...
واحنا لسه فى أبتدائي ..


منقول
من (على سلامة)

موضوع جميل يا تهانى
والعمر بيجرى واللحظات الجميله بتعدى بسرعه
وقطار الحياه ماشى ومش بيقف
بس ده ميمنعش اننا نحاول نخلى المحطات اللى جايه احلى
وتحت رضى الله عنا نعيش جميعنا حياه جميله