حالتك النفسية

علي فكره يا ايمن انا بعرف احترم واسمع الراي الاخر ومش معني اننا مختلفان انك مش تعبر عن وجه نظرك بس لو سحمت انا لسه زعلانه ومش عارفه اعمل ايه بس انا زعلت عشان انت اخر واحد اتوقع منه يقول كدا مش رايك ولكن طريقه كلامك زعلتني وخلتني اعيط لانك برده حد قريب ليا ومش اتوقع منه كدا وزعلت ان اول ما احكي لماما عنك يبقي الموقف ده بس انا مش عارفه اعمل ايه انا عارفه انك اعتذرت وانت مش مجبر تقول كدا تاني بس انا بقول وعارفه انه ممكن مش يهمك الي بقوله اصلا
.............................................................
اما يا عبد الرحمن مش معني ان انك مش رحت التحرير انك مش وطني يا جماعه ارجوكوا غيروا طريقه ان طالما الي قدانك عكس طريقه تفكيرك مش يبقي وطني
وعلي فكره برده انا كنت هناك وكتير بيروحو بعد الساعه 6 بعد الشغل لانهم بيبنوا حياتهم من نحيتين
.............................................................
انا شوفت انور النهارده بس الدنيا زحمه جدا مش عرفت انادي عليه
بس شوفت اسلام قبل كدا واتعرف علي ماما بس من بعيد لبعيد لان الدنيا كانت زحمه برده

ايه ايه يا طاطا اتصل بيكي طيب

يا رب يا تهاني تفضلي فرحانه كده علي طول

لكم اراءكم ولى اراء .................................... هو ده الصح ... واقفلو الموضوع ده احنا اصحاب قبل اختلافات الراى السياسيه ولابد السماع للانتقادات للخروج بحوار بناء ........... (على مواطن مصرى شريف) الوطنيه فى القلب مش محتاجه كلام بس كل واحد بينظرها بشكل مختلف ........

خلاص ياعم عفيت عنك هههههههههههههههههههههههههههههههههههههههه قشطه بس عشان انا النهارده عندي طاقه ايجابيه
وشكرا لكل الناس الي هنا

ازيك يا شباب النت لسة شغال دلوقتى علشان السنترال اتحرق مع قسم الشرطة
دة انا شايف انى فى مظاهرة فى المنتدى كمان سؤال حد شاف ناس ماتوا امامة ؟؟؟؟
فى حد عندة اصحاب اتصابوا؟؟؟
فى حد اتعامل فى اى خدمة حكومية يعنى مع رجال شرطة؟؟؟؟؟
انا فرحان بكل حاجة حصلت بس انا مش شايف اى نتايج
انا شوفت حب الناس لبعض شوفت شباب بتبيع العيش فى الفرن الحكومى وحريم بتشتغل علشان مافيش عمال
شوفت تعاون شوفت احترام شوفت القلق والخوف من كل يوم جديد بسهر فية فى الشارع رغم انى فى منطقة اللى هيخش مش هيخرج حى ومحدش هيفكر يخش
وانا نزلت التحرير امبارح وهنزل بكرة اللى هو اليوم
بس برضوا فرحان جدا جدا
بس يا عبير مصر هتتعب كتير ولفترة طويلة من خلل فى الاقتصاد
مثل قطاع السياحة
وهيكون فى خسائر كتير على شركات التامين
كفاية كدا بكرة هنكمل

شكرا ايه ده ده انا بلجئ ساعات في التحرير مش بشوفك بصراحه مش بنزل كتير لان ماما بتتعب وهي لازم تنزل معايا
اصلا الفتره دي كلها ايجابيات واكتر دليل علي اننا هننجح ان رئيس الوزرا زهق والناس لسه مش زهقت قريبا هنحرر مصر من كل حاجه وحشه فيها يارب لاننا ايجابيين وبنعمل من قلبنا عشان خاطر مصر مش عشان اي حاجه تانيه
طبيعي ان مصر هتعد فتره بتبني اقتصاد جديد
عادي يا ضياء مهو حسني بقثي له 30 سنه بيوهمنا انه بيبيني اقتصاد ودوله وهو مش بيبني حاجه يكفني اسفا اقول لك ان مصر بقي ليها 50 سنه عامله مشروع محو اميه ولسه مش محته وتركيا محته في سنتين
اكيد ان شاء الله هنزل الجمعه هحاول اشوف حد ينزل بكره وانزل معاه

معلش لما اكون عامليه فيديو علي موفميكر احولوا ازاي فيديو عادي عشان اشبيره علي الفيس

لالا اشيرها علي المنتدي

اوك يا باشا

السلام عليكم
فى حد نازل بكرة
وانا متخوف انى يحصل اى حاجة وضرب و كدا

انا هنزل ان شاء الله
حسني ده مش هيرتاح غير لما يخربها ويعد علي تلها يارب يارب بس متفائله لاننا لا نريد الا الاصلاح واقول له ارحل وعارك بين يديك

بس اقول اللهم ارينا الحق حق وارزقنا اتباعه وارينا الباطل باطل وارزقنا اجتنابه

انا لو هنزل هيكون بعد صلاة الجمعة
امبارح شوفت اسلام وهو عامل غرفة هناك لية وبيبات فى التحرير
بس يا عبير حسنى مش هيمشى بسهولة وبعدان هو بيشتغل صح علشان هو خلاص فى اخر ايام حياتة
وعاوز يحسن الخاتمة وكمان خطاب النائب كان كويس
ربنا يستر و اليوم يعدى على خير انشاء الله
بس انا اتوقع حسنى هيكمل الفترة دية وهينفض لكل اللى فى التحرير
علشان هو عارف انى
80%
من الشعب عاوز حسنى

خلاص بقي قشطه يا معلم يخربيت الاعلام عشان وقع بين وائل والناس بيقولوا كلام علي لسانه مقلهوش انشاء الله هنزل

عبير براحة شوية
العقل اهم من القلب فى الوقت دة
فكرى كويس انتى عوزة اية وهتعملى اية
علشان انتى متسرعة شوية
ولو فى اى مشاكل او قلق ارجعى البيت علطول ماشى

اوك اوك متخفش انا نازله مش عشان اسقاط النظام النهارده انا نازله عشان الناس الي ماتت وبيان الجيش التاني اشمعني مش الجيش هو الي يقوله؟؟؟

انا روحت مع اخويا النهارده التحرير حبيت اشوف بعينيا اللى بيحصل بالظبط ............. لقيت ملايين هناك ومعظمها ناس مثقفه لها مطالب ... الشباب المصرى الحر واقف بيدافع بقلبو عن بلدو .... شوفت حوالى 30خيمه جديده بتتنصب ..... شوفت عائلات محترمه ... شوفت تغيير فعلا ...... اعزونى لان غيرت رايى فيهم ... كل اللى اقدر اقولو ........... ربنا يوفقنا جمعيا فى اصلاح مصر ..... (على مواطن مصرى شريف)