sara essam
مشرفة
عدد الرسائل : 1920
الشهرة : الكونتيسة
 | موضوع: كمية كبيرة من الطرش...  19/3/2010, 10:40 am | |
| الأول : إلا قولي يا بلدينا مش هو دة برضه أتوبيس مصر الجديدة ؟
الثاني : على الحديدة ؟ إنت طالب إحسان ؟
الأول : بذرة الكتان ؟ تلاقيها عند العطار
الثاني : جزار ؟ هو انت عايز لحمة ؟
الأول : زحمة ؟ أصله ميعاد خروج الموظفين
الثاني : قمر الدين ؟ مبحبهوش
الأول : ما بتطفحهوش ؟ ليه كفى الله الشر ؟
الثاني : راس البر ؟ دة مصيف محترم
الأول : الهرم اتخرم ؟ دي حتة جميلة
الثاني : بليلة ؟ هو انت جعان ؟
الأول : عيان ؟ يا عم شوفلك تاكسي يوصلك لباب العمارة
الثاني : إمارة ؟ هو انت لسة اتأمرت ؟
الأول : اتأخرت ؟ دي الساعة لسة ثلاثة
الثاني : شحاتة ؟ ياعم شوفلك شغلانة تاكل منها عيش
الأول : خيش ؟ دة صوف انجليزي ؟
الثاني : بنتك زيزي ؟ ربنا يخلي
الأول : انتاج محلي ؟ دة شغل بلاد برة
الثاني : المبرة ؟ هو انت لسة عيان ؟
الأول : دخان ؟ أصل اليومين دول السجاير بقت حراقة
الثاني : كريم حلاقة ؟ دة أنا باستعمل انجرام
الأول : أنا ما عنديش احترام ؟ أهو انت اللي ماعندكش احترام
( يقوم الشجار بينهم ويدخل الشاويش )
الشاويش : الله ... الله ... وكمان بتتخانقوا قدامي ؟
الأول : مين حضرة الشاويش ؟
الشاويش : وكمان تجار حشيش ؟ قدامي على السجن | |
|
bero_jan
مشرفة
عدد الرسائل : 3167
الشهرة : 3abeer 3abd el3aziz
| | موضوع: رد: كمية كبيرة من الطرش... 19/3/2010, 1:25 pm | |
| علي فكره دي نكته كنت زمان حفظاها كلها بس دلوقتي الزهيمر مبهدلني(بعد الشر عليا) | |
|
m.reddragon
عضو بيتعرف
عدد الرسائل : 30
الشهرة : الباحث عن رضا الله
| | موضوع: رد: كمية كبيرة من الطرش... 23/3/2010, 1:59 pm | |
| وازاي الشويش يسبوه كده في الشارع | |
|
