هل تعتقد انك تعرف البنات عايزة ايه

تقعد مع أي ولد تلاقيه بيقولك "يا عم أنا عارف الستات دي عايزة إيه .. اسألني أنا" وواحد تاني يقول " أنا فاهم دماغ البنات بتفكر إزاي" تعالوا بقى نعرف إيه الحاجات إللي الرجالة فاكرين إنها بتجنن الستات.

الراجل دايما معاها وميسبهاش لحظة

كل الرجالة فاكرين إن اللزقة للمرأة بتعجبها وإنها بتحب الراجل إللي دايما تحت عينها وميروحش بعيد أبدا، ولكن المقوله دي مش صح على طول الخط، فأحيانا تكون لزقة الرجل للست خنقة وتتضييع وقت ورخامة.

مساعدتها في الأعمال المنزلية

من كتر ما المرأة بتشتكي في الحقيقة وفي الأفلام من إن الراجل رامي عليها شغل البيت كله، فالرجالة افتكروا إن مساعدتها في الأعمال المنزلية سيجلب عليها السعادة والحب، ولكن الموضوع مش سهل كدة، صحيح المرأة عايزة إللي يساعدها في البيت ولكن الراجل أحيانا بيقوم بالدور ده بشكل خاطئ ويدخل نفسه في حاجات ميفهمهاش ويبوظ الدنيا بفكاكته ونصاحته ويقلب البيت على بعضه.

الصراحة والشفافية

وطبعا الصراحة مطلوبة، ولكن كتير من الرجالة فاكرين إن الصراحة تساوي البجاحة، يعني لو مراته سألته "هل ملكة جمال العالم أجمل مني؟" تلاقيه قالها "طبعا أحلى منك .. دي ملكة جمال العالم كله" وهنا بقى سلملي على الصراحة، وابقى قابلني لو الشفافية نفعتك.

الإصرار على دفع الحساب

مش هنقول هنا إن المرأة مش دايما عايزة الراجل إللي يدفع الحساب، ولكن في بعض الأوقات وخصوصا في فترة التعارف بتبقى عايزة تبينله إنها مش فقيرة وإنه مشترهاش بفلوسه، وتعمل فيها عنتر بن شداد وتبقى عايزة تدفع الحساب، وكل ما الراجل يصر على الدفع هي ممكن تسترخمه جدا.

مداعبتها ومغازلتها دائما

برضه مش هنقول إن المرأة مش عايزة إللي يغازلها، لكن تخيل كدة البنت تكون تعبانة ومتبهدلة وساقطة في الامتحان، وييجي فارس أحلامها بكل سماجة ويقولها "أنا بموت في جمال عنيكي" وهو طبعا فاكر إن الكلمتين دول هيخففوا عنها، ولكن العكس هو الصحيح، ويمكن تطلع غلها كله فيه.

الستات بتحب الرجل المهزار دائما

وهنا الرجالة بيعتبروا إن الست تريد أن تسخسخ دائما طول ما هي قاعدة، وفاكرين إن المرأة تهوى الرجل الفكاهي إللي قالبها مسخرة وضحك وتريقة ومقضيها افيهات، ولكن احذر عزيزي الرجل فالمرأة أحيانا تريد أن تراك جاد وحازم في أمور عديدة ولا تنتظر

يا ترى انت فعلا عارف الستات عايزة ايه

منقوووووووووووووووووووووووووول

شكرا عبير موضوع لذيذ
بس بعترض انا في جزء الصراحه والشفافيه ده مطبعا ملكة جمال العالم احلي من اي بنت يعني

بقي كدا والله لافتن

هتفتني لمين يا بنتي!!!
وبعدين المفروض اخاف يعني
انتي نسيتي انتي بتكلمي ميييييين

لا منستش محمد ايمن السيد هههههههههههههههههههههه

ههههههههههههه شكرا يا عبير موضوع حلو

وبعدين لو حد عرف بنت عايزه ايه مش كل البنات زى بعض وبيفكروا نفس التفكيبر
كل بنت بتفكر بطريقه مختلفه
ولا اييييييييييييييييه !!!!!!!!!!!

Wink

صحصح يا اكبر مجنونه في مصر يا اكبر واجن واحده فينا tongue

البنات مخلوقات كالفراشات
كل واحده تحمل جمالا خاص بها
وهبها الله ايها
لذلك فلكل بنت معامله خاصه بها
ليس فقط جمال الشكل هو كل شئ ولكن جمال النفس وروحها اهم اسس الجمال
وان كانت ملكه جمال العالم جميله فى مظهرها
فقد لا يعنى هذا الجمال شئ امام جمال الروح والعقل

الله يا جولدن فناااااان
وانا بضيف برضه معلومه جميله
البنات دي كائنات هبله
هعهعهعهعهع

مرسي يا عبد الرحمن علي ردك الحلو شايف يا ايمن الردود احنا كائنات هبله ده انت كائن................ز ولا بلاش عشان الرقابه

ولا واحد في الدنيا فاهم البنات اصلا البنات لا هم فرشات ولا هم هبل
ولو كان فعلا في ولد فاهم البنت اللي معه مش هيبقى في اي خلافات بنهم
لكن مستحيل مش تلاقي خلافات بين اتنين

ومع احترامي
البنت اللي انت بتحبها لازم تكون احسن واحلى من ملكة جمال العام في عنيك لانها لو مش كدا هتفضل انت طول عمرك حاسس بنقص ان في واحدة تانية احسن من البنت دي فلازم انت تكون مقتنع بكدا لان دا هيتعبك انت واللي بيحب بجد لازم يوصل بحبيبته لدرجة انه خلاص مش يقارنها باي حد او يقارنها بس عشان يأكد لنفسه ان حبيبته احلى واحسن من اي واحدة في الدنيا

ومع احترامي برضو
اه فعلا الجمال جمال الروح والنفس والعقل بس دا في نظري مش سبب كافي ان واحد يتجوز واحدة او العكس لان اللي انت شايفه طول اليوم هو الشكل بجماله او قباحته بعكس جمال الروح والعقل والنفس دا بيظهر في المواقف

دا وجهة نظري

عارفه يا سارهانا متفقه مع كلامك عن ملكه الجمال والحوار ده
بس صدقينيموضوع جمال مش ده الي يبوظ علاقه او ينجحها عارفه لان بعد مرور الزمن الجمال ده شئ ممكن الواحد يتعود عليه ومش يشوفها حلوه زي الاول عارفه اهم حاجه انا شيفاها
جمال الروح ومعاها ان الست مهما حصل لازم تكون وتحسس الراجل انها ملكه في بتها حتي لو مش جميله
بس تبقي مهتمه بنفسها وتحاول تعمل حاله توازن في كل حاجه يعني مش تهتم بنفسها وتسيب بقيت الحاجات الي محتاجها بتها وولادها وكدا
وده دليل تاني علي ان ريكاردو وتورنيز كانوا نابغين وان الميزه النسبيه ممكن نطبقها في كل حياتنا
ههههههههههههههههههههههههههههههههههههههههه

لا اسف
انا متمسك برأيي ليه بقه:
اللي يقول لبنت انتي اجمل واحلي من اي حد في الدنيا ده يبقه كدااااااااااااب ومنافق
والحب بجد مش اني اشوف اللي قدامي احسن واجمل حد في الدنيا لأ الحب اني اكون بحبه علشان بحبه لا لانها اجمل واحسن بنت في كل البنات لان مفيش حد كامل طبعا وكل بني ادم فيه عيوب
فالحب اني اكون بحبه كله علي بعضه بالصفات الكويسه اللي فيه والعيوب برضه
ومعلش هقتبص حوار من الزميل حسين فهمي من فيلم مافيا
انتي بتحبي والدتك ليه؟ اكيد الاجابه بحبها كده علشان هيه امي
لا لانها هيه اجمل ست في الدنيا ولا لانها هيه الاحسن في كل حاجه
من وجهة نظري هوه ده الحب اللي بجد
مش كلام وضحك علي الدقون

وطبعا الجمال جمال الروح
يا فرحتي اني ارتطبت ببنت حلوه ويكون عليها بوذ شبريين وانا واصحي معاها علي مشاكل وخناق طول الوقت
واهي مسيرها تكبر وتعجز وهتتغير كده كده
اه كل واحد يتمني انه يرتبط ببت شكلها كويس ويكون خير وبركه والحمد لله
لكن الاساس هيه تعاملها وهل هيكون سعيد معاها ولأ
وكما قال الزميل محمد عدويه
الشكل بيروح لازم هيروح وحلاوة الروح هيه الابقي

وكما في الامثال القديمه الجميله
سمره ونغشه، ولا بيضة ودفشة

ههههههههههههههههههههههههههههههههه
حلوه الامثال دي جبتها من فين

هوه ده اللي عجبك هههههههه
من الفيس بوك

لو ممكن اضيف شويه
اى انسان فى الدنيا يا ساره اما بيختار فتاه احلامه
بتبقى فى نظره اجمل فتاه فى العالم
حتى ولو كانت ليست فى جمال ملكات العالم
..............................................
انا عارف ان فيه ناس تفكيرها انه يرتبط بانسانه فقط
لكى يتباهى بها وسط اصحابه بجمالها
ويقارنها بزوجاتهم
وده السبب الذى ياتى بمشاكل اكبر
...............................................
انا قرات عن دراسات اجريت عن المرأه
ان المرأه يظهر عليها علامات الشيخوخه اكبر من الرجل
اى حين يبلغ كلا منهم سن الاربعين تكون المراه ذات الشكل الواضح
قى انها كبيره فى السن
وهذه ليست قاعده عامه
بس دى تجربه اظهرت ان 90 فى المائه من السيدات تظهر عليهم علامات
الكبر اسرع من الرجل
زى تجعايد الرقبه...وشقوق فى الوجه
.........................................................
وده يثبت ان اول شئ هيزول هو الجمال
وتبقى الروح والعقل موجدين
....................................................
ولكن الجمال فى المقام الاول لانك ان لم تراها جميله فى عينيك لما تحدثت معها من البدايه
وفى المقام الثانى الروح والعقل

بالنسبالي كلامكم غير مقنع بالمرة
كله كلام انشائي لكن الواقع لا
لكن اختلاف الراي لا يفسد للود قضية

» صور البنات على حسب الشنط
» أنواع البنات !!!!
» القهر عند البنات
» وهو ايه كلام البنات؟
» احلام البنات!!