الدراسة هتبقى من منازلهم :)

موضوع: الدراسة هتبقى من منازلهم :) 28/9/2009, 1:56 pm

تدريس «ثلث المنهج» فى المنازل.. وتقليص مدة الحصة المدرسية إلى ٣٠ دقيقة

كثفت أجهزة الدولة استعداداتها لبدء العام
الدراسى ومواجهة مرض «أنفلونزا الخنازير» بالمدارس والجامعات. يبحث مجلس
المحافظين هذه الاستعدادات فى اجتماعه غدا، فيما يراجع المجلس الأعلى
للجامعات بعد غد الخطط التنفيذية لكل جامعة، بينما أصر الدكتور يسرى
الجمل، وزير التربية والتعليم، على عدم إلغاء أو حذف أى جزء من المناهج
التعليمية فى جميع السنوات الدراسية خلال هذا العام.وقال اللواء
محمد عبدالسلام المحجوب، وزير التنمية المحلية، لـ«المصرى اليوم» إن
اجتماع مجلس المحافظين سيعقد بحضور ١٠ وزراء، وسيناقش تطبيق نظام اليوم
الدراسى الكامل، وخفض أعداد الطلاب بالفصول، وتخصيص مكان لعزل التلاميذ
المشتبه فى إصابتهم. من جانبه، أكد الدكتور يسرى الجمل، فى
المؤتمر الصحفى الذى عقده أمس عقب الاجتماع مع مدراء مديريات التعليم على
مستوى محافظات مصر، أنه سيتم تدريس مضمون الحصة الدراسية كاملا للطلاب من
خلال المدرسة والتكليفات المنزلية، وإغلاق جميع مراكز الدروس الخصوصية
«غير المرخصة» بالمحافظات. وقال إنه سيتم تدريس ثلثى مقرر الحصة
الدراسية فى المدرسة، بينما الثلث الآخر سيكون على هيئة تكليفات للطلاب
يعتمدون فى إنجازها على القنوات التعليمية.وأوضح أنه سيتم تقليل
كثافة عدد الطلاب ليتراوح ما بين ٣٠ و٤٠ طالباً، وتقليص الحصة الدراسية فى
المرحلة الإعدادية إلى ٣٠ دقيقة بدلا من ٤٥، وفى باقى المراحل من ٩٠ دقيقة
إلى ٦٠ دقيقة.وأشار إلى أنه تم الوقوف على ثلاثة اختيارات هى:
اعتماد نظام الفترتين، أو اعتماد نظام الثلاثة أيام أسبوعيا، أو مد الفترة
الدراسية اليومية خاصة فى مراحل التعليم الأساسى، التى تشهد كثافات عالية
مقارنة بالإعدادى والثانوى خلال هذا العام.

المصري اليــــــــــــــــــــــــــــوم

بس الحقيقة في سؤالين بيلحوا عليا أوي
هما المفروض هيختاروا نظام من التلاتة اللي فاتوا دول امتى بقى
يوم الجمعة بعد الصلاة ولا يوم السبت بعد صلاة الفجر ؟
عشان الناس تستعد بس

السؤال التاني
هو ايه علاقة تقليل مدة الحصة بتقليل عدد الطلبة في الفصول ؟

هههههههههه
من وجهة نظري اجابة السؤال الأول:
انهم ممكن ميقولوش خالص علشان السريه والغياب ويعملوها مفاجأه للطلبه يوم السبت وده العادي في كل حاجه في مصر دلوقتي مفيش حد بيتحرك غير في الوقت بدل الضايع
بالنسبه للسؤال التاني:
اعتقد انه قصدهم يعني لما يخلو الحصه زمنها قليل الطلبه باعددهم الكبيره مش هيعدو في مكان مقفول لفتره طويله فالمرض مينتشرش بينهم
والله اعلي واعلم

ههههههههههههههههههههههههههههههههههههه
فعلا عندك حق
اهم حاجة السرية
و في نفس الوقت تبقى مفاجأة للاولاد
عشان ينبسطوا بالاجازة ومحدش يعكنن عليهم بالدراسة
لأ فكرة
الدراسة هتبقى من منازلهم :) Icon_smile

اما الموضوع التاني فانا مش عارفة بصراحة

اكتر حاجه بحبها فيك يا ابو الايامين نضافة دماغك
فعلا استنتاجاتك فى الجون
شكرا يا شقشقه على الخبر
وربنا يستر
بس اعتقد ان نقطة الطلبه والفصول دى مرتبطه بنظام الفترات اللى ناويين يطبقوه فهيقللوا مدة الحصص علشان يلاقوا وقت فى اليوم للفتره التانيه ومش بعيد التالته
وااحتمال فتره رابعه للمساء والسهره
و اعتقد ان ده بيفكرنى بأغنية:

انا بنت حلوه واسمى بوسى
فى الفصل نايمه علشان بالليل عندى درس خصوصى
الدراسة هتبقى من منازلهم :) Lol

هما لسه بتانقاشو يعنى مسش طبقو حاجه ربنا يعنهم

اللي حصل ان الرئيس رمى الموضوع على نظيف
راح نظيف رمى الموضوع على
هاني هلال ويسري الجمل والجبلي
راح هاني هلال رامي الموضوع على رؤساء الجامعات
راح رؤساء الجامعات رموا الموضوع على عمداء الكليات
راح كل عميد قرر نظام مع نفسه

وطبعا مش ننسى ان يسري الجمل رمى الموضوع على المحافظين
راحوا المحافظين رموا الموضوع على المحليات
راحت المحليات رمت الموضوع على الادارات التعليمية
راحت الادارات التعليمية رمت الموضوع على مداء المدارس
اللي بالتالي قرروا ان كل مدرسة ليها نظامها الخاص

(وااااااااااة يا بلد محتاجة ولد بس محدش فاضي )

ياااااااااااااااااااااااااااااااااه
ساره ليه بتفكريني بان احنا مش بلد
بس كلامك جامد يا ايمن

محمد ........ صباح الخييييييييير
منور
ع فكرة بالنسبة لموضوع تقليل وقت الحصة انا شاكة ان الموضوع يكون لسة فوق مستوى استيعابنا
احنا ايش فهمنا احنا في الحاجات دي

سارة ........ عندك حق فعلا محدش فاضي
الناس وراها فيس بوك وميل مش فاضيين

منورة يا بيرو

بسم الله الرحمن الرحيم

موضوع مهم جدا وجدير بالمناقشه
اليوم الموافق
29-9-2009
سوف يقام اجتماع لمجلس المحافظين
ووزاره التعليم العالى..التربيه والتعليم
ووزاره الصحه
بقياده نظيف
لتحديد ما سيتم فى العام الدراسى الجديد
.................................................
واعترض على كلام ساره
لان الموضوع كبير جدا جدا
انتشار هذا الوباء فى فصل ملئ بالاطفال
حوالى 60 طفل سوف يعرض المدرسه بل والحى ايضا للوباء
لذلك يجب ان ننتظر حتى نرى الاستعدادات
التى سوف تقوم بها الحكومه
ولا نهاجم احد حتى نعرف حجم المشكله وماذا اعد لها
.........................................................
مصر بها 16 مليون طالب وطالبه
كيف ستحمى تلك الفئه
اعتقد مسئوليه صعبه
..................................
ربنا يستر

عندك حق يا ابو الجلادين بس المرض بدأينتشر بقالوا 3 شهور تقريبا على اد ما نظرى يجيب
واحنا معروف ان عندنا دراسه بتبدأ كل سنه فى شهر 9
ازاى لحد النهارده لسه بناخد القرار فعلا مشروع القرار اللى حطه الريس بقاله فتره وهو اتصرف صح من خلال سلطته
نزول القرار خد مكانه صح بس بعد كده حصل توزيعات غريبه يمكن القرار اللى يتاخد ينقذ ناس كتير وممكن يهد نا كتير اه دى مسئوليه كبيره
بس فى نفس الوقت لو كان المرض ده بقوة مرض زى الطاعون
كفانا الله شره
كان زمان ناس كتير راحت وهتروح

ومفاجأه كانت فى جريدة المساء بتاريخ الاحد اللى فات ان مدرسه فى مدينة نصر تقريبا متجاب فيها صور مياه مجارى ومواسير مكسره وحاجات كتير تاتنيه مهما خدنا قرارات بتقليل الوقت مينفعش معاها غير اغلاق المدارس دى

انا مالى بقيت بطول فى ردودى كده ليه

انا مش بعترض ولا بهاجم يا جولدن ولا بتكلم من فراغ
بس دا فعلا اللي حاصل
لاني سمعت يسري الجمل بيتكلم وقالك كل مدرسة
هتعمل لنفسها النظام اللي يريحها سواء ان الدراسة تبقى 3 ايام في الاسبوع او انها تعمل بنظام الفترة الصباحية والمسائية
بس الحاجة الوحيدة اللي الكل متفق عليها ان السبت مش اجازة ولو اخدت بالك ان الوزير قال كل مدرسة تحط النظام اللي عايزاه وبعدين ترفعه للادارة التعليمية اللي هترفعةه للمحليات اللي بدورها هترفعه للمحافظ اللي هيرفعه للوزير
تفتكر كل دا محتاج وقت اد اية عشان يتنفذ وانا الكلام دا سمعته اول امبارح من الوزير وقالك ان المحافظة اللي هيظهر فيها المرض بين الطلابة هيا بس اللي هيوقف فيها الدراسة وكل لقاء تلفيزيوني ليه بيؤكد ان الدراسة 3 اكنوبر

وادينا مستنين

ياااااااااااااااااااااااااااااااااااااه بقي لنا كتير في المنتدي مش اتناقشنا مناقشه بجد كدا والله كويس اهي اي فايده من الانفلونزا وخلاص
بس كلامك صح يا حسن
ياااااااااااااااااااااااااااا جماعه معظم الدول عشان بتحترم مواطنيها اشتروا خلاص المصل بتاع الانفلونزا وجاهز ومش عملين دوشه زينا
لكن احنا ربنا يكرمهم المصل للحجاج بس او الاولويه ليهم ولسه موصلش يعني كتر خيرهم بس المفروض يعملوا حساب المصريين كلهم

بس يا عبير المصل ده مش ب2 جنيه يعني اكيد غالي جدا
واكيد برده الدول اللي بتصنعه مش بتديه لاي حد(احنا دوله عربيه مسلمه)همه لو في ايديهم انهم يشترو لكل مواطن مصل هيشترو ويريحو دماغهم من الخطط والقرف اللي احنا فيه ده
لكن اكيد مافي اليد حيله

هو الى اعرفو ان
مصر ستتسلم أول دفعة من المصل المضاد للفيروس منتصف أكتوبر/تشرين الاول
لاستخدامها في تطعيم للحجاج والأشخاص الأكثر عرضة للإصابة بالمرض، مؤكدا ان
تطعيم الحجاج سيكون إجباري وقبل السفر بعشرة أيام ليبدأ مفعوله في الجسم
قبل مغادرة الحجاج‏، مشيرا إلي أن كل حاج سوف يمضي إقرارا بموافقته علي
إجراء التطعيم علي مسئوليته الشخصية‏، نظرا لأن وزارة الصحة لا تعلم الآثار
الجانبية للقاح حتي الآن‏

.

ايمن بلاش عشان خطري موضوع غالي دي عشان ليها مناقشه تودي طره
هههههههههههههه
لالا ولاطره ولا حاجه احنا بلد ديموقراطي بس عايزه اقولك ان في ناس ورا الحاجات دي بيطلعلها تحت الترابيزه اكتر مما تتخيل
وبلاش دي خليك في موضوع الافتتاح بتاع بطولة العالم تحت ‮٠٢ ‬سنة اتصرف عليه اد ايه
علي فكره كان سكه جدا وشكلنا كان وحش اوي والله

بس عشان منظلمش حد اكيد في ناس كويسه في البلد وبتحاول تعمل الي تقدر عليه عشاان موضوع الانفلونزا ده

صح ياعبير
بس انا مقولتش انهم ميقدروش يجيبوه(اقري كويس)وهمه لو متاح انهم يشترو هيشترو ;الفلوس مفيش اسهل منها
مش منهم لالالا من الشعب عااااااااادي ;اي ضريبه جديده +غرامات علي اي بتنجان
وهيلمو الفلوس
لكن هوه في حاجات تانيه زي مقولت

بصراحة انا بعد ما سمعت كلام وزير الصحة اللي انا بجد بحبه وبحترمه جدا واللي اعتقد ان هو افضل وزير فعلا في حكومة نظيف حسيت بنوع من الطمأنينة لانهم فعلا عاملين حاجات كتير وحاسب حساب كل حاجة والمصل قال هيوصل في 15 عشرة زي ما نوسة قالت واللي لازم ياخده فعلا الاول هما الحجاج وقال برضو فعلا الاثار الجانبية لسة مش معروفة بس في الصين استخدمه ومش ظهر حاجة وهيبقى فعلا اول مصل يتم تجريبه على مليار بني ادم في وقت واحد اللي هما الحجاج والمقصود بالفئة الاكثر عرضة هما الشباب بين 20 و23 سنة والباقي على الجمهور هو عملية تنفيذ النصائح والمساعدة عليها يعني نلبس كمامات نستعمل المناديل في الكحة والعطس وغسل الايادي على الاقل 11 مرة في اليوم وبلاش البوس والاحضان وسلام الايد حتى وهيتم توزيع كمامات على اطفال المدارس وهتكون كمامات قطن بحيث يتم غسيلها واستعمالها يوميا .....
وتم تقرير ان الدراسة مش هتتأجل تاني دا في اجتماع مجلس المحافظين برئسة احمد نظيف واشوفكم بقى يوم السبت....

» الدراسة فترتان بحلوان!!!!!
» تفاصيل سيناريو تأجيل الدراسة لـ3 أكتوبر.