للنقاش : ضرب الرجل للمرأة...

موضوع: للنقاش : ضرب الرجل للمرأة... 17/6/2009, 1:29 pm

فى البداية شخصيا لما كنت اقرا ان واحد ذو عقل
وليس ذو حذاء
ضرب زوجته اقول اكيد يعنى هى "مستفزة"
اكيد يعنى "كان فى شىء جامد جدا جدا فى شغله "او "خسر فلوسه" فعمل اسقاط وضربها
اكيد يعنى واكيد يعنى وحاولت اقول مبرر ومبرر وكذا مبرر
كافى ان الزوج يضرب زوجته
لان كتير من مشاكل او حوادث
هنلاقى فيها جملة
الزوج كان بيضرب الزوجة
فقطعته الى قطع متساوية
وعملت منه عبوات لايت ودايت للقطط والكلاب
الزوج كان بيمارس ماتش مصارعة يابانى شافه على المسكينة
تسبب فى انها فارقت الحياة قضاء وقدر
بس هو يعنى مفيش طرق او حلول تانية غير استعمال العنف

ياترى هل ثقافة الضرب نابعة من اعتقادات معينة بتتوارثها الاجيال؟
هل الضرب فعلا بيحقق الغرض و بتكون الزوجة اكثر انكسارا؟
هل الزوج لو اعتذر عن الضرب بهدية ورجع تانى وضرب, الزوجة تتعامل ازاى معاه؟
هل الزوجة ممكن تتغاضى عن حكاية الضرب فى سبيل انها متكنش مطلقة؟
ايه الرد فى حالة سماع المدافعين عن الضرب بالاقوال الاتية:

اصل انا بأدبها او لانها عارضت رايى
اصل دا من الشرع
اصل دا الحل لمقاومة فساد المرأة
اصل ربنا قال الرجال قوامون على النساء

اصلا الضرب دائما بيكون ناتج عن ضغوظ وعقد نفسىه باي طريقه كانت واي اطراف كانوا
اما اي مبرر فبيكون ستاره وتبرير للذي يقوم بالضرب
وسكوت المراه عن ضرب الرجل مهما كانت غلطتها بيكون من غباء المراه بالذات لو كان جوزها
عشان هي كدا بتهدر كتير من حقوقها
اما حكايه الشرع فمعتقدش ان مفيش حد دلوقتي عارف ربنا ازاي نظم حكايه الضرب ديه

اولا انا من المعارضين لفكرة ضرب المرأة لان دة بيسبب حالات تفكك اسرى كثيرة وحالات نفسية عند الاطفال
كمان لازم الراجل لما يجى يفكر يضرب زوجتة يفكر فى انها انسانة عندها شعور وهل هو يقبلها انة يضرب حتى لو من راجل زية

بالنسبة للشرع يا عبير ففى حديث فعلا واية من القرأن لا اتذكرهما حرفيا فلن اذكرهما عشان ملخبطش لكن هذا الحديث وهذة الاية اجازوا للرجل ضرب المرأة فى حالات نادرة جدا ولا تنطبق غير على المرأة المتمردة وذات السلوك السيئ

وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا)
هيه دي الايه وهيه الحاله الوحيده اللي اتسمح فيها ان الرجل يضرب زوجته اذا اتعاليت عليه وخالفته في حق من حقوقه
وانا شايف انه طبعا مينفعش ان راجل يضرب زوجته وانه اذا خلاص مش طايقها يطلقها بس ميضربهاش

انا شايفة انا اللي اتعود يشوف والدته بتنضرب او اتعود انه يمد ايده على اخته
هيبقى من السهل انه يضرب مراته
و وقت الغضب مش بيكون في تفكير يا انور ودا سبب مشاكل كتير ان الواحد بيتهور ساعة الغضب وبياخد قرارات هو مش قدها او بيعمل تصرفات يندم عليها