الموت

انا فاكر لما قالولي زمان
حاول خلي الدنيا سعيدة
وان الصوت الخارج منك..اهم امانة
واما لمحت خطوط الدنيا
فوق كفّيني
انا شفت
انا شفت الخوف الزارع نفسه ف نن عيوني الحيرانة
وحكاوي الليل العريانة
امانينا البيضة البهتانة
مبلولة
مبلولة بريئ الياس وبردانة
تلمحنا الفرحة وعشمانة
عشمانة نشوفها
ماهي فاكرة الشوق المتذلل لسنين العمر
الفوت بايديه
والقلب الخرساه الدنيا
ما ينادي عليه
غير بس سؤال..
الصوت الساكن من جواك
بقي يطلع ليه؟
والضهر الباقي ف ريحه الشوف
من كتر الخوف
هجر المدني
بيداري الخوف المدنس ف جناح الفجر
يسيبه الفجر ولا يخبيه ..فيموت
وتفوت حاولينا العتمة وتحاوط
وانا فاكر لما قالولي زمان
اجعل عقلك شمعة تنور
واما تخش في ايها بيت..ابقي استاذن
اوم لما بييجي الموت ويخش ف عقلي
...ميستاذنش
يقتل افكاري فاتغالط
والشمعة الايدة ماتنورش
اتعتم
والماضي بعادته ميتعدلش
اتندم
انا كل ما اشوف الغلطة ورايا بتتباعد
وتضم اخواتها ف احضانها
اتالم..اتظلم
والماضي بعادته ميتعدلش
فاتندم
استني الصبر يشبك ايده ف ايدي
والفرحة اللمحانا تقرب
ونشوف البكرة بيتجدد
يقولولي
يقولولي:البكرة ده شيئ مجهول
فاتغرب
اتغرب عن صبري وابعد
والدنيا تقصقص ليالينا
لحد ما ييجي يخش علينا ف حضن البيت
...وميستاذنش
فنموت ..نموت