ظل راجل مش كفاية.....

موضوع: ظل راجل مش كفاية..... 3/2/2009, 11:30 pm

دا اسم كتاب كان في معرض الكتاب
انا عايزة اسمع تعليقكم على الجملة دي
بس ياريت من غير تريقة يعني يكون نقاش جاد ومحايد

موضوع: رد: ظل راجل مش كفاية..... 4/2/2009, 2:08 pm

معلش يا ساره المناقشه ديه مش هتبقي زي ماانت عايزه لان للاسف الولاد عندنا في المنتدي متحيزيين ومش بيعرفوا يقولوا الي ليهم والي عليهم

موضوع: رد: ظل راجل مش كفاية..... 4/2/2009, 3:21 pm

بصراحه اول شيء جه في بالي عن الجمله ان اللي بتقولها واحده مش كويسه
وفي اكتر من اتجاه ممكن نتناقش فيه عن الجمله فياريت تحدده انت عايزينو فين
وياريت برضه عبير توضح كلامها

موضوع: رد: ظل راجل مش كفاية..... 4/2/2009, 6:23 pm

اعتقد ان من عنوان الكتاب ان ظل الرجل ليس كافى للمرأه
ان ليس ما تسعى اليه المراه كون انها تملك رجل وابناء
فامراه تسعى الى تحقيق اهداف حياتها فغالبا ما تكون الانثى ذو اراده كبيره نحو تحقيق الذات
ففى الكائنات الحيه انثى الاسد هى من تأتى بالطعام
فما بالك بالانسان الذى يملك عقل
ان المرأه لا يكفيها ظل رجل ياتى لها فى المساء يأكل ويشرب ثم يخلد الى نومه
انها تريد حنانه وحبه لها...انها تريد اهتمامه بها
وعدم التقليل من شأنها..كونها جالسا فى البيت

موضوع: رد: ظل راجل مش كفاية..... 4/2/2009, 6:32 pm

بصراحة يا ايمن مش عارفة اقولك اية بس هو في مثل بيقول
ظل راجل ولا ظل حيطة
الكتاب دا بيقول ان ظل الراجل مش كفاية

موضوع: رد: ظل راجل مش كفاية..... 4/2/2009, 8:26 pm

كلامك حلو يا جولدن
وبصراحه
ساعات ان الراجل مش بيحقق للست الي هي عيزاه فبتدور علي حاجه تعوض بيها ده بتحقيق ذاتها في مجالات تانيه
كلامي يا ايمن معناه ان فيه ناس في المنتدي مش بيتكلموا بحياديه

مشرف عدد الرسائل : 910 الشهرة : veto

اولا يا عبيير هى كتبت وانتى تردى عن نفسك هوة انتى ساحرة دخلتى وعرفتى اننا متحيزين

يعدين رايى ان فى اوقات لازم يكون ضل الراجل مهم ومهم اوى لان الناس اللى حوالين الست دى مش بيرحموها لانها لو محترمتش بصة الناس ليها يبقى مش هيثيبوها وخصوصا فى بعض الحالات مثلا مطلقة انما فى العادى معتقدش يعنى ان فية واحدة تقدر تستغنى عن الواحد الا لو هية ناجحة اوى فى شغلها

موضوع: رد: ظل راجل مش كفاية..... 5/2/2009, 11:47 am

اممممممممممممممممممممممممممم

موضوع: رد: ظل راجل مش كفاية..... 5/2/2009, 2:45 pm

صدقني يا شريف انا مقولتش كدا غير لما اتلاقيت كذا مره اكتب موضوع ومحدش يتكلم بجد انا اسفه لكل واحد غلط فيه

ثانيا رايك حلو جدا وعجبني

موضوع: رد: ظل راجل مش كفاية..... 5/2/2009, 4:00 pm

انا من رأى يا سارة انه فعلا ظل راجل ولاظل حيطة
ربنا خلق الرجالة والستات علشان محدش ينفع يعيش منهم من غير التانى
بس دة لو هو راجل بمعنى الكلمة اما لو مش راجل بجد
يبقى ظل الحيطة افضل بكتيرررررررررررررررر

موضوع: رد: ظل راجل مش كفاية..... 6/2/2009, 10:45 am

اسم الكتاب صحيح يشد الانتباه ويخليكي لازم تشفيه وتقرأيه
علي فكرة انا متاكد ان الكتاب ده سواء اللي كتبه (راجل أو امرأة)
حط استثناء حتي لا تكون قاعدة عامة
لان هناك رجال لا يستحقون هذه الكلمة بكل ما تحمل من معاني
لان لايوجد امراة تستطيع ان تعيش بدون الرجل

وده راي الشخصي

موضوع: رد: ظل راجل مش كفاية..... 6/2/2009, 2:46 pm

انا اول حاجة جت في بالي لما شوفت الكتاب دا المرأة المعيلة اللي هيا بتكون مسؤولة عن انها تجيب الفلوس للبيت سواء بقى لان جوزها شخص مش كويس او سابلها العيال وطفش ايا كان السبب في انها تكون المسؤول الاول والاخير عن الصرف على البيت انا هنا بقول ان ظل الراجل بتعها دا مش كفاية هيا الواجدة محتاجة اية غير واحد زي ما بيقولوا يستتها وفي المقابل هيلاقي زوجة مطيعة وجنبه في كل حياته هتخلصلوه وهتكون نعم المساعد لية لكن لو هو ساب لها واجبه وخلاه فرض عليها (الصرف على البيت)فهيا كانت في بيت ابوها معززة مكرمة افضل بكتير من الحالة اللي هيا فيها بعد ما بقت في ظل راجل....
وفي حاجة كمان جت في بالي لو الزوجة مش حست باهتمام زوجها ليها وانها اول حاجة في حياته حتى لو مش كانت فعلا كدا قهي هتدور على حاجة تانية او حد تاني يشبع لها الرغبة دي وتحسسها بالاهتمام سواء كان في شغل في سهر في فسح او في طرق تانية وقتها ممكن يتقال ان هيا اللي غلط طب انت كنت فين لية اهملتها زي لما الراجل بيتجوز على مراته تلاقي الناس طلعت في مراته القطط الفاطسة انا هنا برضو شايفة انها كنت في بيت هلها بتلاقي العطف والاهتمام والحب والحنية ومن غير مقابل ودا طبعا بأستثناء الحالات الشاذة اللي بتعاني من تفكك اسري هنا برضو ظل راجل مش كفاية....
دا اللي جة على بالي اول ما شفت الكتاب لكن اعتقد انه في حلات تانية بيكون فيها ظل الراجل مش كفاية
انا لا مع ولا ضد يعني بالنسبالي الموضوع نسبي يتوقف على نوع الراجل هل هو فعلا راجل بكل ما تحمله الكلمة من ومعاني ولا راجل والسلام

احب اسمع برضو رأي الناس اللي مش اتكلمت

» بنت بميت راجل وفي الاخر ايه جزاتها