ثانكس ألوت ميس راننوش : )
.
.
.
لا بجد اللغة تحفة انا اول مرة اقرأ شعر كدا من ساعة ما نزلت مصر
استمر بجد
.
.
.
تشكرات افندم
انت كمان نزلتي مصر
.
.
.
.
القصيدة جميلة جدا
بس انت احسن من كده بكتييييير
انا مش عارف انت ليه حجمت نفسك كده؟!
يعني كل الصور قديمة مستهلكة جدا
واللي انتى بتلعب عليه زي ما قلتلك قبل كده حسن استخدام للتراكيب اللغوية
وبتعمل نغم موسيقي تحفةولكن مش ده انت
انت لسة مظهرتش بالنسبالي ولسة ما قراتش قصيدة تحمل اسمك
انا اسف ان كنت بزودها
لكن انا بجد صعبان عليا تدفن موهبتك في كفن التراث
.
.
.
لا ما زادتش ولا حاجة
انا قلت لك قبل كده حرية التعبير مكفولة للجميع
ونعم الكفن كفن التراث : )
وعموما انا مش الواد اللي هو قوي يعني
انا عارف ان في قصور كتير قوي قوي
مسيرها تتظبط مع الوقت
وانا معاك اني مكرر
انا شخصيا حاسس بده
وعاوز اشوف له صرفة
عشان كده بحاول اتعلم بقية البحور
لاني اكاد اكون ما بكتبش الا على الكامل
واحيانا قليلة قوي على الوافر
وقاموس اللغة عندي محدود الأفق
بيخليني الف في حلقة مفرغة من المفردات
انا عارف ده
عشان كده بحاول مؤخرا اقرا قصايد كتير
واقرا كتب نقد ادبي
عشان احاول وانا بكتب اراعي وجهة نظرة الناقد في الكتابة
عشان ما يحصلش واقع في تكرار زي اللي نبهتني ليه في قصيدة دنيا
في الجزء اللي في الأول
لما قعدت اتكلم عن الموت والسفر والترحال والف في الساقية
وتكون الكلمة اللي بحطها محطوطة في مكانها الصحيح مية في المية
وفي نفس الوقت تراعي متطلبات الجمال في القصيدة
وعمليا انا معتبر نفسي لسه في مرحلة الترزي
اللي بيقعد يقيف القصيدة لحد ما تكمل
لاني بكتب اجزاء منها
واقعد اشيل واحط واغير في الترتيب لحد ما اوصل لاقرب معنى للي انا بحاول اقوله
لسه ما عنديش الامكانيات اللي تخليني اقول الكلام مترتب جاهز
كوحدة واحدة
مش لوحة مترقعة
وكله على الله
1/2/2009, 9:48 pm
