خذلني الوقت ..

موضوع: خذلني الوقت .. 4/12/2008, 12:11 am

خــــذلــنـي الــــوقـــت ...

خَذَلْني الوَقْتْ ..

في بُطْؤُهْ ..

وِتَلْكِيْعُهْ ..

دَه حَتَّى الثَّانْيَة ..

مِشْ هَايِنْ عَلِيهَا تْفُوتْ ..

وَأقُولْ يَا وَقْتَ ..

مِيْنْ شَايِرْ عَلِيْكْ ؟

(( بِيْعُهْ ..

وَخَلِّيْ العَجْزْ يِقْتِلْ فِيْهْ ..

في بَطْن الحُوت ..

وِخَلِّي لُهْ العَذَابْ ..

يِحْيَا عَلَى رِيْعُهْ ..

وِغِيْر الذُّلْ مَا يِشْرَبْ وَلَا لُهْ قُوْتْ ..

وِقُوْلْ لِلدُّنْيَا ..

تِجْحَدْ هَمُّهْ مَا تْسِيْعُهْ

تِشِدّ عَلِيْهْ ..

وِتِدِّيْ لُهْ الأَمَلْ ..

في تَابُوتْ ..

وِبَابْ السِّجْنْ ..

يِتْقَفِّلْ ..

وِشَرَارِيْعُهْ ..

عَشَاْنْ ..

لَوْ عِلْيِتْ الصَّرْخَةْ ..

يِمُوْتْ الصُّوْتْ ..

كِدَهْ ..

تِضْمَنْ لُهْ عِيْشَةْ تْحِشّ ..

مَعَامِيْعُهْ ..

وِدَهْ العَادِيْ ..

إِذَا كَان الصُّرَاخْ ..

مَكْبُوْتْ .. ))

فَيَا وَقْتِيْ ..

مَا دُمْتْ شَرِيْتْ بِصُوْنْ العَهْدْ تَضْيِـيْعُهْ ..

فَسَامِحْنِيْ ..

مَلِيْشْ وِسْطْ المَهَانَةْ بْيُوْتْ ..

يَا وَقْتْ تْعِبْتْ مِنْ ظُلْمَكْ ..

وِتَدْلِيْعُهْ ..

يَا سَاقِيْ المُرْ ..

عَبِّيْ لِيْ ..

كَمَانْ كَاْسْ مُوْتْ ..

أيمن عاشور ( its me guys Very Happy

)
1/12/2008

موضوع: رد: خذلني الوقت .. 4/12/2008, 12:28 am

حلوة يا أيمن
بس يا ريت تعرفنا بيك أكتر مش أسم وبس

موضوع: رد: خذلني الوقت .. 4/12/2008, 8:34 pm

حلوه بس هو انت ايمن زميل نوسه

موضوع: رد: خذلني الوقت .. 4/12/2008, 8:35 pm

حلوه

موضوع: رد: خذلني الوقت .. 4/12/2008, 11:25 pm

ثانك يو إفيري بودي

اقتباس :

بس يا ريت تعرفنا بيك أكتر مش أسم وبس

كله بأوانه يا زميلي

مبدئيا أنا تالتة مدني هندسة المطرية

بس تالتة على قديمو

يعني عجوز شوية

آخر انتاج من جيل المشمع والكافولة

اقتباس :

حلوه بس هو انت ايمن زميل نوسه

أنا معرفش حد هنا الا جنة

وهي اللي جيت على حسها

موضوع: رد: خذلني الوقت .. 5/12/2008, 12:00 am

حلوة اووى

مشرفة عدد الرسائل : 652 الشهرة : ----

-------

مشرف عدد الرسائل : 3774 الشهرة : bob

حلو جدا يا ايمن انا ضياء
انتا جيت عن طريق شخص مهم جدا
ننتظر كل جديد منك يا باشا

مشرفة عدد الرسائل : 652 الشهرة : ----

حلوة مهم جدا ديه

الواحد كده هيتغر في نفسه

موضوع: رد: خذلني الوقت .. 5/12/2008, 10:07 pm

حلوة اووى

ميرسي ميس نوسا

حلاوووووووتك

أيوة كده ظبطنا يا باشمهندس

عقبال ما تنزل تصميماااااااااااتك بقي

منور المنتدي يا راجل

الله يخليكي

كله راح يا جنة خلاص

الهارد ضرب والتصميمات بح

والأشعار بح

والبرامج بح

وكل حاجة بح

حلو جدا يا ايمن انا ضياء
انتا جيت عن طريق شخص مهم جدا
ننتظر كل جديد منك يا باشا

ثانكس ألوت مستر ضياء

بليزد تو مييت يو

وابقى قابلني ...

في القصيدة الجاية

زي المفتش كورومبو

موضوع: رد: خذلني الوقت .. 5/12/2008, 11:51 pm

اهلا بيك يا ايمن وشرفتنا يا جميل

موضوع: رد: خذلني الوقت .. 13/12/2008, 10:09 am

اهلا بيك يا ايمن واهلا بيك فى المنتدى
وخصوصا انك جى من شخصيه عزيزه علينا اوى
موضوع رائع كده
وشكرا انك لبيت طلب جنه لانها كان نفسها فى موضوع عن الوقت
شكرا يا جنه على انك عرفتينا بشاعر جديد

مشرفة عدد الرسائل : 652 الشهرة : ----

هههههههههه

تصدق نسيت حكاية الوقت ديه

ااااااااااااه لو كان انسان

مش أقولك كنت هعمل اييييييييه

مشكلة كبيييييييييرة اووووووووووووووووي فعلا

موضوع: رد: خذلني الوقت .. 30/1/2009, 2:08 pm

انا اسف لردودي اللي دايما متاخرة بس بجد
الله ينور قصيدة خالية من الكسور تماما
وكان نفسي اقولك علي صورة عجباني وكل مابص لصورة تعجبي اكتر من اللي قبلها
ربنا يوفقك

موضوع: رد: خذلني الوقت .. 5/2/2009, 12:19 am

منور يا حمادة

بس هي على فكرة اتقفش فيها غلطتين في الوزن

واحدة في المطلع في الأول خالص

خذلني الوقت

في بطؤه وتلكيعه

لو متقسمه كده وكلمة الوقت عليها وقف هيكون فيها كسر

وعشان يتدارى لازم تتنطق موصولة مع اللي بعدها عشان الكسرة المنطوقة على التاء في كلمة الوقت تظبط التفعيلة

الغلطة التانية في الجزء بتاع

وباب السجن يتقفل وشراريعه

الواو هنا زيادة

وباب سسج + ن يـتـقـفـفـل + وشراريعه

وتفعيلتها هتبقى

//0/0/0 + //0/0/0 + ///0/0/0

الأخرانية مكسورة

وعالجتها باني عملتها مفرد بدل جمع

تبقى وباب السجن يتقفل وشراعه

وباب سسج + ن يتقففل + وشرراعه

//0/0/0 + //0/0/0 + //0/0/0

سيداتي سادتي كان هازا موجزن لاهم الابناء

نشرتنا التالية لسه مش عارفين معادها امتى

عشان كده قوموا ناموا وهنبقى نرن عليكو

: )