حشتينى
وحشتينى ...... وحشتينى
يا ساكنة في قلبي وفي عينى
يا عمري الجاي وسنينى
يا قمري وضي لعيونى
وحشتينى
يا زهرة الهوى الدافى
عيونك بحر ليل صافى
رميت قلعى ومجدافى
وقلت الموج يرسينى
وحشتينى
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمي وعقلي وجنونى
وحشتينى
دا قلبي دقته باسمك
وحلمي رسمته كان رسمك
ياللي في جمالك وفى حسنك
عمر الحياة ما تورينى
وحشتينى
بحبك أيوه مش خايف
وغيرك في عيني مش شايف
يا أحلى بسمة وشفايف
بكلمة منها تحيينى
وحشتينى
عيونك في الهوى دارى
وعايشك ليلي ونهارى
دا عشقك جنتي ونارى
وحبك تاج على جبينى
وحشتينى
يا عمري يا كل أحلامى
وعايش بيكي أيامى
باهديك شوقي وسلامى
وأقول لو يوم تحسينى
14/11/2008, 1:13 am
