المصري

هو ده المصري
اما يكون مجروح يقول الاه
ولا يرهبش صوت السيف
ولا يرهبش حتي صداه
هوده المصري
ف وقت الحق
تلقي الحق يستناه
هوده المصري
الي بتمناه
هوده المصري
تلقي ايديه للخير ممدودة
وقوله اه جواه محدودة
ومش مشدودة من فمه
ولا جاه ولا سلطان في يوم همه
ولو تبكي عيونه في يوم
يشيل همه علي كتفه
يروح لامه
ويحكيلها
ويشكيلها وهو سعيد
حكاية مصري مش لاقي
ولا قادر يكون باقي
حكاية مصري تعبان
وف الساقية ربطه الهجان زي المواشي
واهه ماشي
ولادريان
ولا
مش هوده المصري
معمروش كان المصري في شدة جبان
ولا حيوان
ده كان انسان
ده كان واحد من الشجعان
بل الشجعان في زات نفسه
ده كان فلاح
يشيل فاسه يدب الارض
ينط الخير من الرهبة
يلبي رغبة الفلاح
ده كان صداح
يغني بالهموم مواويل
ويشكي من قساوة الليل
ولا يخافشي
وكان يمشي
وكان يجري كمان رماح
ولا يخافشي
يطول الشوك عضام رجله
وكان بيقول:ديه ارضي وارض امي
راح ارويها انما بدمي
هوده المصري
مش المصري اللي كان مملوك
ولا مهلوك
ولا مربوط في حسبة مال
ده كان صوال
وكان جوال
يهد بالخاوي جبال
وينحت بفنه ميت تمثال
ويتحاكي عليه اجيال
هوده المصري
ف وقت الحق
تلقي الحق يستناه
هوده المصري
الي بتمناه
هوده المصري