أختار واسال برحتك

موضوع: أختار واسال برحتك 20/6/2008, 10:25 pm

ديه فكرة جت في دماغي وحبيت اكتبها
وهي كالاتي :
اول واحد هيرد على الموضوع يختار أي عضو من المنتدى عايز يساله ويساله سؤال
ولازم الشخص المختار يجاوب واول مايجاوب على السؤال هو كمان يختار شخص اخر (غير اللي سال)
وهدف الفكرة ديه التعرف على الاعضاء أكثر
يلا نبدأ...

موضوع: رد: أختار واسال برحتك 20/6/2008, 11:41 pm

موضوع جامد
وعلي فكرة الفكرة جت في بالي
بس ان يكون فيه ضيف كل اسبوع من الاعضاء وكل حد من الاعضاء يكون ليهم الحق يسالوه تلت اسئلة
بس عامة موضوع جميل
واسمحلي اشارك
وسؤالي موجه ليك

س.معني كلمة (مستحيل)بالنسبالك؟؟؟؟؟

موضوع: رد: أختار واسال برحتك 22/6/2008, 1:05 pm

السلام عليكم

كلمة مستحيل كلمة موجودة في قاموس الفشل

فالانسان الناجح لايعرف هذه الكلمة

وكلمة مستحيل تعني الياس

والياس ضد الحياة

وكلنا يعرف المقولة :

(( لايأس مع الحياة ))

فأرجو أنكي لاتعرفي هذه الكلمة

فالقائد الناجح لايعرف كلمة مستحيل

وبنسبة لفكرتك الثانية أنا فعلا كنت ناوي أعملها بس مش دلوقتي
هتكون الاسبوع القادم ان شاء الله

أما عن الشخص الذي أختاره هو

(محمد أنور )

والسؤال هو :
(( بصفتك الأخ الاكبر لاسرة سوا ماذا تعني لك القيادة في وجهة نظرك

وماهي صفات القائد الناجح))

موضوع: رد: أختار واسال برحتك 23/6/2008, 12:17 am

انا شايف ان القيادة يا حكيم
ملهاش تعريف محدد لان كل واحد بيقول القيادة من وجهة نظر
لكن بالنسبة لي القيادة هى تحمل مسئولية جماعة واتخاذ القرارات السليمة مما يحقق المصلحة العامة لها والوصول لهدفها)
دة تعريف عام بدون تفاصيل

ومن شروط القائد الناجح ويارب ان شاء الله احققها:

1_ الدبلوماسية
2_الحزم
3_سرعة التصرف
4_اخذ راى الجماعة
5_التخطيط العام والمستقبلى
6_التقرب الى الناس
7_قوة الشخصية
8_المرونة فى التعامل
9_ذكاء
10_الاستعانة بالله

وفى حاجات كتير تانية بس دة اهم حاجات عندى
ويارب اكون قدرت اجاوب صح

انا هسأل
((شريف))

انت بتقول دايما(الثقة اكبر وهم فى الحياة) هل دة معناة انك مبتثقش فى حد خالص حتى شريكة حياتك؟ ولو عندك اصحاب بتثق فيهم قول هم مين؟؟؟؟؟؟؟؟؟؟

مشرف عدد الرسائل : 910 الشهرة : veto

يعنى انت بتزنقنى فى خانة اليك

بص انا مبخافش من حد

وهقولك حاجة انا لما كتبت الجملة دى فقصدى ان الثقة دى درجات واكيد اعلاها 100%

ودى اللى قصدى عليها ان مفيش حد يستاهل الثقة دى حتى اللى انت قولت عليهم فوق

انما ممكن ادى ناس 40% وناس تانية 50% فى الرينج دة

خلاص يا عم مش هزود عن كدة

اللى هسالة هوة للكينج

انت شايف ان انتقاد الاخرين طريقة للظهور بينهم ولفت الانتباة؟؟؟؟؟

موضوع: رد: أختار واسال برحتك 3/7/2008, 4:49 pm

ممكن تغير الشخص عشان هو شكله مش هيدخل تانى

مشرف عدد الرسائل : 910 الشهرة : veto

طيب

اسال حد تانى

اسال جنة

هل انتى سعيدة فى حياتك؟

واية اساس حكمك على الاشخاص؟

موضوع: رد: أختار واسال برحتك 7/7/2008, 7:53 pm

شكل مفيش انت ممكن تكتب كذا سؤال لكذا شخصية واللى يدخل يرد وانت بكده تريح نفسك

هل ممكن ده بعد اذن حكيم طبعا

مشرفة عدد الرسائل : 652 الشهرة : ----

هل انتى سعيدة فى حياتك؟

نعم نعم نعم . . سعيييدة بجد والحمد لله ع كل حال . . اللهم لا حسد

واية اساس حكمك على الاشخاص؟

من خلال المواقف اللي همر بيها معاه

غير كده بيبقي انطباع اما حسن اما سئ

سؤالي لجولدن

مش كفاية حزن بقي وتفكير في اللي فات ؟

موضوع: رد: أختار واسال برحتك 7/7/2008, 10:44 pm

لطالما كان الحزن فى القلب وليس فى العقل
فالحزن كالنبات يطلق جذوره فى القلب قبل ان يظهر اوراقه الشائكه على الوجهه
وان اردت ان ازيل جذور الحزن
فمن المستحيل ازالتها........ الا وانا افقد جزء من قلبى
فمن ليس له ماضى ليس له مستقبل
ولكنى منذ ان انضممت الى الاسره والفتره السابقه بدأت افكر فى مستقبلى اكثر
محاولا نسيان جزء من الماضى
...............................................................................
سؤالى لى انور
الى اى مدى يصل طموحك؟؟

موضوع: رد: أختار واسال برحتك 8/7/2008, 6:32 am

بص يا عبدة

أنا طموحى بلا سقف انا لما اقعد افكر انا عايز اعمل اية وابقى اية مببصش لسقف ليها

بس انا مبحبش اقول طموحاتى لحد لانى بحس انى لو قلتها لحد هيضحك عليا من كتر مدى الطموح

سؤالى لأميرة ؟

هل فى انسان يستاهل تضحى باصحابك من اجلة؟؟؟؟؟؟؟؟؟

ولو فى يبقى اية مواصفاتة؟؟؟؟؟؟

موضوع: رد: أختار واسال برحتك 15/7/2008, 2:25 am

بص يامحمد اصحابى اصحابى معتقدتش ومش هضحى بيهم يعنى اقطاعهم لكن ممكن اقل الكلام معاهم كدة
اما لو زمالة مش يهمونى فى حاجة ممكن ابعد واضحى بيهم
والصفات ممكن يكون اكتر حاجة بيحبنى بجد وخايف عليا وبيراعى فيا ربنااا

السؤال لشريف

لو مثلا مرتبط ببنت وقالتك متكلمش بنات تانى هتوافق ولالا؟ ولماذا اذا ككنت هتوافق واذا كنت مش هتوافق؟

مشرف عدد الرسائل : 910 الشهرة : veto

بصى هوة فى العموم المطلق هوافق

لانى بصراحة لو طلبت منها دة وموافقتش

هزعل

بس على فكرة دة مش هيحصل لانها اكيد واثقة فيا دى حاجة وزى مانتى جاوبتى

ممكن هقلل بس هعرفها الحدود ياريت تكونى فهمتى هوة الاجابة مشابة لاجابتك

السوال بقى لحامد

اية هية مواصفات فتاة احلامك؟؟؟؟؟؟؟؟

موضوع: رد: أختار واسال برحتك 26/7/2008, 4:35 pm

بص ياشريف
انا مش عايزها اكتر من انها تكون متدينه وتكون بتحبنى وتخاف عليا
وساعتها هخليها بجد تندم على اى لحظه معشتهاش معايا وانا عارف انا بقول ايه وقد كلامى

سؤالى لانور
مش هقولك غير ليه كده
ومتجوبش بمنغير ليه

موضوع: رد: أختار واسال برحتك 6/8/2008, 3:49 pm

غير ليه كده!!!!!!!!!!!!!!!!!!!!!!!!!!!!!!!!!!!!!!!!!!!!!!

فى اية؟؟؟؟؟؟؟؟؟؟؟؟؟

يا ريت توضح سؤالك

موضوع: رد: أختار واسال برحتك 6/8/2008, 11:55 pm

ليه عملت كده
وانت فاهم

موضوع: رد: أختار واسال برحتك 1/9/2008, 9:59 pm

يا ريت تغير السؤال يا حامد لو انت عايز الموضوع يكمل

لأن اعتقد سؤالك بلا جواب

مشرفة عدد الرسائل : 652 الشهرة : ----

موضوع: رد: أختار واسال برحتك 13/9/2008, 3:23 pm

أعتقد ان حامد مش ناوى يدخل الموضوع تانى

فأنا هسأل

وسؤالى موجهة إلى شريف

هل انت ممكن تتخلى عن حلم من احلامك عشان حد؟؟؟؟؟؟؟

مشرف عدد الرسائل : 910 الشهرة : veto

والله انا كنت مستنى منك سوال اشد من كدة بس دى جت اوت

انالااااااااااااااااااااااااااايمكن اتنازل عن هدف انا حاطة قدامى مهما كان الهدف ولاعشان الشخص دة مهما كان

فيما عدا حالتين لو اكتشفت ان الهدف دة غلط او انى كنت غلطان او فية احسن منة كدة يعنى

او بامر من والدى حتى لو والدى امرنى وانا نفسى فى دة (والدى بس)

هسيب الهدف عشانة

السوال بقى لجولدن

لوح حبيت حد اوى ومن كتر ما حبيتة ومش عايز تزعلة بقى يعمل حاجات تضايقك وتفوت لحد ماصبرك نفد اية تصرفك وطبعا انت حذرته كذا مرة ومفيش فايدة

موضوع: رد: أختار واسال برحتك 17/9/2008, 7:21 pm

اعتقد يا شريف ان الاجابه موجوده فى السؤال نفسه

اسمع يا شريف

اول حاجه: هصارح الشخص ده ان الحاجات اللى بيعملها

زادت عن حدها اوى

ثانى حاجه: هخليه يدافع عن نفسه عشان مظلمش الشخص ده

ثالث حاجه: لو انا مقتنعتش بده هنسحب من حياته

علشان هو لو بيحبنى بجد مكنش فكر لحظه واحده انه يزعلنى

معــــــــــــــلش
انا هسأل شريف

اتفضل ان تعيش بقلبك اكثر من عقلك ام العكس؟؟
ولماذا؟؟

مشرف عدد الرسائل : 910 الشهرة : veto

ماشى يا جولدن انا هسكت بس يلا

الاجابة طبعا طبعا طبعا عقلى وهقولك لية عشان برضة اللى مش فاهم يفهم

يبنى دلوقتى انا مقتنع ان كل حتة فى جسمك بتفكر

ينى عينك رجلك وشك

كدة ولكن بيفكروا فى اللى بيريحهم

يعنى عينك يريحها تبص لى حاجة حلوة كدة يعنى انما العضو الوحيد اللى بيفكر فيك ككل وللمصلحة العامة وبيعمل تحليلاته وبيوازن بين المنافع والضرار عشان يوصل لاحسن قرار

يبقى اقل واجب انى اديلة تقديرة

بعدين القلب دة لو اخدت قرار بية اكيد لو حد قالى قرار مخالف ممكن اقعد افكر

انما لو واخد قرار بعقلى مش هفكر لانى خلاص فكرت بما فية الكفاية

ياريت تفهمونى بعدين انا بكرة فى حياتى الندم على شئ

اانا بقى اسال سارة عصام

تفتكرى حد الوفاء بين الاصدقاء ممكن يوصل لاية ؟ يعنى المواصفات الحقوق والاواجبات وكدة؟وفوق دة كله الحدود؟

موضوع: رد: أختار واسال برحتك 20/9/2008, 12:13 am

بص يا استاذ شريف طبعا كلنا عارفين ان في اصحاب اللي
هما الانتيم واصدقاء وزمايل بالنسبة لي صعب ان يكونلي انتيم واللي الناس
ممكن تفتكره اقرب حد ليا ممكن يكون بعيد عني اما الاصحاب والزمال فالاتنين
عندي نفس المستوى تقريبا (تقريبا مش تماما)
بالنسبة بقى لحد الوفاء
بيني وبين اصحابي فأنا وفي مع كل اصحابي لابعد الحدود حتى قدام اهلي
(الحاجة الوحيدة اللي اقف فيها قدام اهلي)بمعنى محدش من اهلي له انه يقولي
اقطعي علاقتك بفلان او فلانة
بالنسبة لحقوق اصحابي عليا فبختصار شديد اي حاجة هيعوزوها هيلاقوها عندي ودا مش كلام وبس لاني عارف انا بقول اية
وبالنسبة
لواجبتهم ليا فأنا عايز بس انهم يكونوا صادقين معايا وأمينين على اي حاجة
انا بقولها لهم واهم حاجة اني احب اني لما احكي لحد حاجة مهما كانت تفضل
صورة سارة زي ما هيا بمعنى اني مثلا لو عملت حاجة غلط وكانت مش بقصدي
وحكيت لحد ولاقيت انه غير معاملته ليا فأنا هعتبر نفسي اخترت الصاحب الغلط
لانه مش عرف يفهمني
بالنسبة لموضوع الحدود دا فبيني وبين اصحابي الانتيم مفيش حدود نهائي ...... واسف للاطالة

اسأل جنة:
اية اكتر حاجة استفدتي بيها من جامعة حلوان وطلعتي بيها ؟؟؟ ومين اللي حسيتي انك ممكن مش تلاقي زيه تانيبرضو من جامعة حلوان؟؟؟

مشرفة عدد الرسائل : 652 الشهرة : ----

اقتباس :

اية اكتر حاجة استفدتي بيها من جامعة حلوان وطلعتي بيها ؟؟؟ ومين اللي حسيتي انك ممكن مش تلاقي زيه تانيبرضو من جامعة حلوان؟؟؟

استفادت

إن كله محصل بعضه

اتعلمت حاجات متعلمتهاش قبل كده في الرسم

هههههههههه كنت بعمل قلق عند حافة المدرج وجوة المدرج

وميغركيش اللي أنا فيه ده . . أنا مع البنات حاجة تانية

بجد كل البنات في المدرج حبوني فعلا وده شرف ليا

إني أسيب ذكري حلوة في كل بنت عرفتني

هيه حاجات كتير

لأني صعب ادخل مكان ومش استفاد منه حاجة حتي ولو صغيرة

بس ديه سنة بحالها وفعلا استفادت كتير

واللي ممكن مش الاقي زيه بقي :

ملحوظة صغيرة . . أنا كل صحباتي اللي كانوا معايا في ابتدائي واعدادي وثانوي هنا في جامعة حلوان . . لأننا دخلناها بقي توزيع جغرافي

+ كمان إني عرفت وفاء ونورهان وشخصيات زي جولدن وفيتو وعمرو عاطف وأنور وحامد

وأنتِ وعبير

بجد صعب الواحد يلاقي نفس أخلاقكم وأخلاق صحباتي واحترامكم والروح اللي جواكم ديه في مكان تاني

أنا مش بنافق ولا بقول كلام من ورا قلبي . . بس فعلا ده اللي حساه

صحباتي بتوع زمان هما اللي هيكملوا معايا وصداقتهم هتستمر

اتعلمت من حوار الأسر ده كتير

ههههههههه وخدت خطوة من ناحية الكسوف

أنا كده في تقدم

أصلي كنت بتكسف من نورهان ووفاء أول ما عرفتهم . . بس لما اتكلمنا ع النت شافوا اللي جوايا

بس بجد اشوف طيبة ومشاركة زيكم ابدااااااااا

أنا روحت جامعة القاهرة وكنت محتاسة

وقولت أسأل اتحاد الطلبة لقيت مش ليهم لازمة فعلا

هههههههه وأنا اللي بقولهم معلومات كمان

فبجد انتوا كنز عمرك ما تنتهوا وانا عمري ما هستندل واروح هناك وانساكم

سؤالي بقي موجه لفيتو :

هل ممكن تتغلب ع أحزانك ؟

ع ما أظن إنك ما شاء الله قوي وبتتغلب ع حاجات كتييييييير في حياتك

هل بتضعف ادام الحزن ؟

مشرف عدد الرسائل : 910 الشهرة : veto

يعنى انا بتغلب على احزانى على الاقل ادام الناس لايمكن حد يعرف انى اصلا حزين الا القريبن منى اوى اوى لانى هلاقى هدف يشغلنى عن الشئ اللى يضايقنى

وحكاية الضعف دى بتبقى بينى وبين نفسى عمر ما حد بيعرفها لانى عمرى ما هسمح لاى حد ايا كانت غلاوته انة يحس ولو للحظة انة يفرح فيا او يحس بس انة ضايقنى
لان محدش اصلا يستاهل عشان يضايقنى

انا بقى هسال انور تفتكر اية هوة اكبر حلم فى حياتك ونفسك تحققة وياترى شايف انة مناسب لامكانياتك ولا لا