سيارة مصرية بأربع عجلات بشكل و تصميم عالمى و بسعر لا مثيل له

السلام عليكم ,
الموضوع
دة مش زى موضوع العربيه الذات 3 عجلات لكن دى بأربع عجـــــــــلات
يعنى مش توك توك دى عربية بحق و حقيقى و دا طبعا
بصراحه خلانى أفرح جدا لأنها أكيد هتكون أنضف من المستعمل بكتير و بصراحه
شكل التصميم جميل جدا و أكيد هيساعدوا ناس كتير إنها تبقى ممتلكة لسيارة
شبابيه و عائلية فى نفس الوقت و بصراحه أنا شايف أنها مش محتاجة أى تعديل
سواء فى الشكل أو فى الأداء إلا بعد التجربه
بالتأكيد هيكون فيها مليون خطأ لكن بالنسبه للبدايه أكيد
جميله أوى ومحدش عملها أصلا أن بلدى تعمل حاجة المفروض أفخر بيها و أكون
وراها لحد ماتوصل تبقى زى تويوتا أو فورد أو غيرها و غيرها

و إليكم تفاصيل الخبر من ملحق السيارات التابع
للجمهورية

فجر ملحق السيارات التابع لصحيفة "الجمهورية" مفاجأة مثيرة بالإعلان عن أن
السيارة "نايل تك نانو" التي ذكر المحلق ذاته الأسبوع الماضي أنها صينية ،
مصرية 100% اسمها "نانو إيجيبت" ومن إنتاج شركة حلوان ومحركات الديزل".

وقال المهندس رضا غازي رئيس مجلس إدارة المصرية للاستيراد الوكيل الوحيد
للسيارة التي تم صنعها في شركة "حلوان ومحركات الديزل" إن "نايل تك نانو"
هي الهدية التي تقدمها الشركة لمحدودي الدخل بسعر لم يسبق له مثيل في
العالم لا يتجاوز 24.999 جنيه".

وأضاف غازي أن شركته تقدم السيارة بأقل مقدم وأقل قسط ، مشيرا إلى أنها
مصممة لتفادي أضرار المطبات العشوائية ، كما أنها مصنعة من الصاج لتحمل
أقصى ظروف التشغيل الممكنة.

وتوفر "نايل تك نانو" في استهلال البنزين ، إذ أنها تستهلك 3 لترات لكل 100
كيلو متر، كما تتحمل درجة حرارة عالية تصل إلى 50 درجة ، ومساحة السيارة
الداخلية واسعة وبها إطارات معالجة ضد الثقوب وتلحم نفسها بنفسها ، فضلا عن
فتحة سقف ، وفوانيس شبورة وجهاز كاست حديث ، كما أن قطع الغيار متوافر
بأسعار رخيصة.

والسيارة "عفشتها" تتمتع بنفس مواصفات سيارات "سوزوكي" اليابانية ، وبها
فتحة سقف و"سبويلر" خلفي.

وكشف غازي عن أن قيمة "عمرة" الموتور كاملة لا تتعدى 250 جنيها ، مشيرا إلى
أن جميع العملاء يمكنهم مشاهدة السيارة من خلال الوكيل الحصري أو أحد
موزعي الشركة.

وكانت شركة "تاتا موتورز" الهندية قد أنتجت "تاتا نانو" الذي وصفتها حينها
بأنها أرخص سيارة في العالم ، وذلك بعد طرحها مقابل 2500 دولار أمريكي.

يذكر أن أول سيارات "نانو" قد صُنعت في مصنع بشمال الهند، وتقدر قدرتها
الإنتاجية بـ60 ألف وحدة سنويا ، وكانت "تاتا موتورز" قد سلمت في يوليو
الماضي أول 3 سيارات من طراز " نانو"، في احتفال بمدينة مومباي.

كويس والله يعنى فى امل
كان فين ده من زمان

والله الموضوع ده لو حقيقي يبقي ميه ميه بجد انا فرحانه اوي

حلوة
بس بجد انا عايزة اعرف مين الوكيل؟؟؟

عدل سابقا من قبل medo في 18/2/2010, 5:10 am عدل 3 مرات

[b][b]ومن إنتاج شركة حلوان ومحركات الديزل".
إدارة المصرية للاستيراد الوكيل الوحيد

معلومات إضافية للي يحب التوصل لمعلومه نقصاه عن السيارة نانو إيجيبت :

الوكيل الوحيد المصرية للإستيراد : عنونها 54 شارع عرفات - حدائق القبة
أمام مستشفي الأمل .

تليفون وفاكس : 26039686 - 24559807

مـــوزعـــون :

السنبلاوين : أول طريق المنصورة 0106583586 - 0115300900

دمياط الزرقا - الكاشف أزل طريق المنصورة 0102077727

دقهلية 506161945 - 94460506 - 0106661915 - 0191120068

خدمه مابعد البيع :

نانو سيرفس : 58 ش عرفات - حدائق القبة

تليفون : 024546818 - 0122742182

خدمه العملاء : 0122505107

الدعم الفني : 0125939589

اينعم هى سرعاتها مش عاليه
بس الحمد لله ان تم اختراع حاجه فىمصر
ده الواحد كان كل امله اننا نخترع اسكوتر حتى

الحمد لله
فى امل
وعلى فكره انها اقصاها 100 ده مصلحه كده كده فى مصر مفيش طرق يتعدى فيها 100

لا حلو 100

والله حلوه اسكوتر ايه يا حسن احنا كنا بنتنشا اننا نصنع ابره خياطه

هههههههههه
ربنا يكرم
اصل فى كلام ان دى استيراد
بس بينى وبينكم لو هى استيراد او تقفيل هنا بس حتى
مكنتش الجمهوريه قالت انها مصريه 100%
ربنا يكرم

طلعت صيني يا حثن
يافرحة ما تمت خدها الصيني وطار

ييييييييييييييييييييييي كنت فاكره اننا عملنا حاجه

انتى اتأكدتى منين يا ساره

اكتب اسمها في جوجل هيطلعلك
السيارة الصينية الارخص في العالم الان في مصر

هتكتشف اصلا انها هندية والصين قلدتها

يا ساره تمام
بس الجمهوريه اللى قالت على انها متصنعه هنا
هى اصلا تاتا نانو هندى
دى نايل نانو ايجيبت
وانا حاطط الارقام علشان اللى عاوز يتأكد
ممكن يكون الخبر حقيقى

حقيقي ولا مش حقيقي خلاص معدتش تفرق سينا من سونيا

خلاص مش فارقه صيني ولا هندي
احنا الي اتجننا وافتكرنها مصري

» شخصيات مصرية
» استفتاء عالمى للحب!
» بص شوف احدث سيارة فى العالم روعة بجد
» فيلمين بسعر فيلم
» we are like sea....(تصميم جديد).