يا حب من يوم ما اتولد ما كان بريئ
ازاي مشفتش نابك المزروع ف قلبي ؟!
ازاي محستش ان صوتك لم صرخ وانت وليد؟!
يا جديد وبرده قديم قوي!
نفس الطريق في نهايته سد
ممنوع تحاول انك تعدي
وان خطوتي يوم فكرت
ترجع ليوم كان الونس بيضمنا
ويهز قلبي اللي بيحبي علي الخطاوي الفرحانين
مستني يسمع دبدبة
اول لقا...
سن السلالم كان بيشهد ع الكلام
وبينها خافت طلوع باقي السلالم
فاوام اوام..كله انتهي
وبرده لسة يا خطوتي بتفكري تتقدمي
وتقدمي كل الايادي المرفوضين!
هتروحي فين
ده النور هناك
بيعتم الحلم اللي طالل ع السنين
لوحتي قلتي مروحين
هنلاقي جوه البيت فرح؟
ولا الفرح زيي انجرح
والباقي حبة من دموع متكتمين؟
الصبر ليه مبقاش جميل
هو الجميل مات واندفن؟
حبك..كفن علي قلبي رسيت خطوته
له سكته
قلبي معمروش يوم يموت
ومسيري هفتح سكة غير
يا اي طير ابعت مراسيل الهنا
ده الصبح غايب عننا
لكنه لازم يوم يعود ليا انا
مش هنكسر
قلبي قوي
حبك قوي..يا دنيتي
استريني وستتي
عيني اللي فضحاها الدموع وبتشتكي
وانتي لسة بتضحكي!!!!!!!!
اتنوري
الدمع مش بس لشجن
وضحكتك..ضحكة زمن
ضحكة زمن كداب وغشك
زي واحد يوصفك وماشفش وشك
زي عشقك
زي رسمك
زي صوتك جوه قلبي
زي اسمك
كلهم من غير ملامح
يا فجر طايح..في السما
ان الاوان
وقت الادان
وقت الوضوء
وقت الصلا
لوراح تغيب مش هعلن العصيان
انا ليا صوت وبصوتي اقول الله اكبر
يا عمري مهما تقص منك زكريات
بلاش تموت..خليني اكبر
خليني اكبر
30/1/2009, 1:54 pm
