منتديات اسرة سوا
مرحبا بك
اذا كنت زائرا فأهلا بك ونرجو تسجيلك معنا واذا كنت عضوا فنرجو دخولك للإشتراك

منتديات اسرة سوا

 
الرئيسيةالبوابةس .و .جبحـثالتسجيلدخول
حد هيروق معايا المنتدى علشان العيد ولا الضيوف ييجوا يشوفونا بالمنظر ده

شاطر | 
 

 ياجدعان فى شجربيتكلم وديناصورات حوله بتأكل المتظاهريين فى التحرير

اذهب الى الأسفل 
كاتب الموضوعرسالة
tahany
عضو فضى
عضو  فضى
avatar

عدد الرسائل : 964
الشهرة : nanoooo

مُساهمةموضوع: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 1:15 pm




حاجة غريبة قوى اللى بيحصل دة ...11 يوم عدوا كلهم زى بعض مافيش جديد

تصحى الصبح تفتح عينيك تسأل نفس السؤال ...ها الريس اتنحى ولا لأ ؟

والأجابة : لا

ام عالطول السؤال التانى : طيب الناس اللى فى التحرير روحوا ؟؟

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك... ولسانك يستغفر ويدعى ان ربنا يعدى اليومين دول

على خير

تشغل التليفزيون شوية على قناة العربية وبعدين ال بى بى سى ...تلاقى ناس بتسب فى النظام والبلطجية وصورة مركزة على ميدان التحرير من بعيد وباين فيها ناس كتير وشريط اخبار ان المئات يتوافدون على الميدان علشان يوم مليونى جديد

اعصابك تبوظ ... وتقول دى قنوات عميله عايزة تشعللها ، لما اجيب التليفزيون المصرى علشان يطمنك شوية ( زى حنان الأم كدة) بس

قبل ما تحول تقول ...اشوف الجزيرة اشتغلت ولا لسه ...وانت متأكد ان الجزيرة مش هاتشوف النايل سات تانى

وتجيب المصرية ...صورة لناس مؤيدين للرئيس مبارك امام مبنى التليفزيون او فى ميدان مصطفى محمود

وطبعا الصورة من قريب علشان العدد قليل ومش عايزين يبينوا كدة ...فاديلوا كادر قريب

ونفس المذيع ونفس المذيعة ولسه بيناشدوا كل اللى عايز يطلع من ميدان التحرير ...كل اللى عايز يطلع يقف ويحط ايده اليمين على صدرة ويغمض عينه ويقول الحقنى الحقنى يابن الجنى ...واحنا هانبعتله العفريت ينقذة من الغابة واكلى لحوم البشر اللى فى الميدان

تهز دماغك تانى وتقول كلام قبيح ... وتقفل التليفزيون وتفتح النت ...ماهو رجع الحمد لله

وتفتح الفيسبوك (سبب المصايب، اعوذ بالله) اللى لو عم مارك زوكربيرج كان يعرف انه هايكون السبب في كل المصايب دى كان ولع

فى الكود بتاعه

وتبدأ تقرأ ال ستاتس بتاعة صحابك ...

غدا جمعة الخلاص 1

2 بكرة جمعة الأستقرار (وده طبعا واحد تعب من كتر ما بيتظاهر )و

3 سيبوا الريس بقى ماهوا ماشى ماشى ...اوف

4 هاطلع عين ام اللى مش نازل التحرير

5 الحب يأتى مره واحد فى العمر (وده طبعا واحد ماعملش ابديت لل ستاتس من ساعة ما قفلوا النت ) والحمد لله

6 هاطلع عين ام اللى هاينزل التحرير

7 ياجدعان بيقولوا ان فى شجر بيتكلم وديناصورات حوله بتأكل المتظاهريين فى التحرير

8 ما فيش حاجة اسمها حب فى الدنيا دى (ودى طبعا نفس حالة رقم 5 وغالبا بترد علية) و

9 هو الفيسبوك اشتغل عندكوا يا جدعان ( وده عيل ابن تيييييت ...غبى بيتعامل مع النت كأنه مية مقطوعة )و

10 يا احمد رد عليا ...بتحبنى ولا لأ ...قولى بسرعة قبل ما يقطعوا النت تانى

وفجأة تلاقى استاتس او كومنت يستفذك ...وتدق طبول الحرب فى ودنك ...هجوووووووووووووم

وتبدأ ترد وتنقد فى واحد نازل التحرير او واحد مش عاوز ينزل (حسب ميولك النهاردة) وتلم الناس علية علشان يشاركوا فى الحرب وتعملوا لايك لبعض لغاية لما يزهق ويسكت او يعمل نفسه اوف لاين لغاية لما يجيب رجالة وييجى

وشوية ويجيلك صورة من شبكة رصد او كلنا خالد سعيد ...والصورة واحدة من تلاتة

ميدان التحرير ....شهيد للمظاهرات ...صورة لحسنى مبارك

ومع الصورة 956 كومنت و 164 لايك

وتفتح الكومنت وتلاقى خناقة وناس بتشتم بعض ..فتشتم بدورك وتطلع اوتعمل لايك (برضه حسب ميولك النهاردة) وشوية وتزهق

وتيجى تقفل النت ..تلاقى صاحبك اللى كان عامل نفسة اوف لاين جاب رجالة ورجع تانى وبيقبحلك

وتشتموا بعض ..وبعدين تعتذروا ...وكل واحد يقول للتانى ..انت فهمتنى غلط ماكانش قصدى

وتقفل النت ...وتسأل تانى ..لسه ماتنحاش ...طب الناس اللى فى التحرير ما قلتشى ...

وأحمد شفيق يظهرلك فى كل القنوات ويحلف ...عليا الحرام من دينى وعزة جلالة الله الريس اتغير وعايز يصلح البلد اقبل مايمشى

ومذيع او صحفى غتيت يقولوا ...وايه اللى يضمنلى ...ويقترح ان حد ينزلهم التحرير

وشفيق يقول يا ريت

تقفل التليفزيون وتقول اوف ...لما انزل شوية ، وتبص ف الساعة وقلبك يقع فى رجليك ...الساعة بقت خمسة

الحظر جه ...الحظر جه

وعلى مزيكة ميشون امبوسيبل ...تتحول وتلبس وش الرجل الذئب ...وتطلع السكينة من تحت السرير وتنزل ع الشارع

تلعب دورك فى مهزلة اللجان الشعبية ... لحماية مصر من اللصوص والعصابات المتوحشة

ويجيلك واحد كل نص ساعة ويقولكوا ... "يا جدعان ، فى عربية هاتعدى دلوقتى فيها 3 معاهم سلاح وخاطفين نسوان ...خلى بالكوا " ثم يختفى ابن الحرام ولا يظهر الحرامية ولا حتى النسوان

وعينك تغفل ولما تيجى تأخد تعسيله ع السريع ...يطلع ابن الحرام تانى ..." يا جدعان ، جايين دلوقتى فى عربية فراخ وعملين نفسهم كتاكيت"

ولا تغيير ... لا العربية بتيجى ولا صوت لكتكوت واحد

والساعة تيجى تمانية الصبح ...تطلع تنام علشان

تصحى الصبح تفتح عينيك تسأل نفس السؤال ... ها الريس اتنحى ولا لأ ؟

والأجابة : لا

ام عالطول السؤال التانى : طيب الناس اللى فى التحرير روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك...

وفى انتظار النهاية......

الكاتب بلال فضل

( اسفه على الالفاظ )
بس هى مقاله عجبتنى بصراحه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 1:46 pm

مش مشكله انا قرتها علي فكره انا امبارح قبلت بلال فضل شخصيا واتكلمنا مع بعض وقالي الضمان الوحيد عشان المطالب تنجح والثوره تنجح وميجوش الاحزاب الكارتونيه يخدوا جهودكوا انكوا تفضلوا في الميدان الي النهايه وبجد كلامه بسطني وذادني تمسك بالميدان واتكلمت معاه في حاجات كتير تانيه واتبسكه منه جدا ومكنش مصدق اني في سنه رابعه كليه هههههه

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 1:53 pm

http://together.mam9.com/t7056-topic#46156
ودي مقاله تانيه ليه حلوه برده

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tahany
عضو فضى
عضو  فضى
avatar

عدد الرسائل : 964
الشهرة : nanoooo

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 2:07 pm

ههههههههههههههه
عادى يا بيرو

انتى اصلا شكلك رابعه ابتدائى

Laughing Laughing

انتى اكيد كنتى طايره من الفرحه انك اتكلمتى معاه طبعا

اصلا بلال فضل مقالاته حلوه اوى

بصراحه هى القراءه مش من هواياتى بس هو من الناس اللى بيخلينى لازم اقرالهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 2:10 pm

ايوه بعدين كان بيعملني كاني طفله بس لما لاقاني بتكلم وفاهمه غير رائيه
بس نصحني اني افضل عارفين احلي حاجه في الميدان ايه ان هناك مش مدين اي حد فرصه انه يركب الموجه ايمن نور كان هناك ومكانش في حد معبره

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 2:12 pm

بس اقراي المقاله الي انا منزلاها

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tahany
عضو فضى
عضو  فضى
avatar

عدد الرسائل : 964
الشهرة : nanoooo

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 2:45 pm

انا قريتها يا بنتى اول مانزلتيها

بس ماعرفتش ارد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   7/2/2011, 7:38 pm

عشان خطري تبقي تردي لاني بحس ان محدش بيعبرني

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo
مدير عام
مدير عام
avatar

عدد الرسائل : 1120
الشهرة : medo

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   8/2/2011, 9:22 pm

احمدى ربنا ان هو صدقك اذا كان احنا م نفسنا بنقنع نفسنا بالعافيه انك معانا فى الجامعه
محدش كان جايبك معاه ونسيكى فيها

ان شاء الله ربنا يوفقنا للى فيه الخير للبلد كلها ان شاء الله
و طبعا محدش يطلعلى من تحت الارض ويقولى انت مؤيد لمبارك ولا معارض علشان ساعتها هقوله هو مين مبارك علشان أيده ولا اعرضه
لأنى فوق كاتب بقول يوفق البلد مش يوفق مبارك
ربنا لو شايف فى الخير انه يكمل يبقى الحمد لله
ولو شايف انه مفيهوش خير يبقى خلصنا والحمد لله

_________________
]لا اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم
ياحى يا قيوم ... برحمتك استغيث اصلح لى شأنى كله ولا تكلنى الى نفسى طرفة عين
لا اله الا انت سبحانك انى كنت من الظالمين
اللهم انى اعوذ بك من الهم والحزن ..واعوذ بك من العجز والكسل .. واعوذ من الجبن والبخل ... واعوذ بك من غلبة الدين وقهر الرجال
هذا الدعاء ومنك الاجابه ياحي ياقيوم ......


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tahany
عضو فضى
عضو  فضى
avatar

عدد الرسائل : 964
الشهرة : nanoooo

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   8/2/2011, 9:45 pm

حاضر يا بيرو ومعلش المره الجايه ان شاء الله هارد

شكرا يا محمد على الرد

Razz

حلوه الكلمه بتاعتك دى بتاعت ( ربنا لو شايف فى الخير انه يكمل يبقى الحمد لله ولو شايف انه مفيهوش خير يبقى خلصنا والحمد لله )
عندك حق فيها هو ربنا ان شاء الله هيعمل اللى فيه الخير

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: رد: ياجدعان فى شجربيتكلم وديناصورات حوله بتأكل المتظاهريين فى التحرير   8/2/2011, 10:25 pm

مش هرد عليك كفايه عليا بلال فضل

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ياجدعان فى شجربيتكلم وديناصورات حوله بتأكل المتظاهريين فى التحرير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسرة سوا :: المنتدى العام :: قهوة سوا-
انتقل الى: