المسابقه الذهبيه

بصوا بقه ....بصيتوا؟؟.....يا جماعه بصيتوا كويس
طيب ماشى
المسابقه هتبقى دينيه
والاسئله هتبقى 3 اسئله بس
وممكن يبقى اختيارات لو السأل عايز يسهل شويه
مثلا: من هو خليل الله ؟؟ ممكن نسهل ونكتب اختيارات وممكن نسيب السؤال كده
ومده الاسئله يوم واحد بس
واللى هيجاوب التلاته صح هو اللى هيسأل ...وهكذا
وطبعا اللى هيشرف على الموضوع الاستاذه عبير بما انها مشرفه القسم ده
وانا اللى هبدا بالاسئله عشان انا صاحب الفكره
لو الفكره عجبتكم قولوا عشان ابدأ اكتب الاسئله اما ارجع من الشغل
.........................................
ومن فضلكم محدش يدخل على النت ويجيب الحل..احنا عايزين نتعلم
وكل واحد وضميره

اوك انا هبدأ وبكره فى نفس التوقيت هيكون المده خلصت
واللى هيكسب هيبدأ يسأل

س1:من من الملائكه نزل الى الارض بأمر من الله لكى ياتى بطين منها والتى منها خلق سيدنا ادم عليه السلام؟؟
هم ثلاثه ملائكه ولكن ملك واحد منهم فقط هو من اتى بطين من الارض؟

س2:كم من الزمن ظل سيدنا ادم عليه السلام من طين دون روح ؟؟

س3: خلق الله الكون فى سبع ايام فاذكروا ماذا خلق الله فى كل يوم من يوم السبت حتى يوم الجمعه؟؟

وبلاش تغشوا يا جماعه عايزين نتعلم..ارجوكم

شكرا يا تهانى على ردك
انا كان عندى كتاب للشيخ محمود المصرى عن قصص الانبياء
وانا بحب اسلوبه لانه سهل وبسيط
يعنى انا لو هنصحك تشوفى شيخ انتى بتحبى اسلوبه وتشترى ليه كتاب
وتقرأى كل يوم ولو صفحتين بس تكونى مركزه فيهم
لان لو مش ركزتى هتنسيهم بعد شويه وياريت تشاركى اللى حولكى فى الحاجات اللى قرأتيها
عشان مش تفيدى نفسك بس...تفيدى الناس كلها

خلاص ان شاء الله هعمل كده
انا كنت بدات الايام اللى فاتت اقرا كتب
وان شاء الله هعمل كده
عشان احساس الجهل ده وحش اوى وخاصة لما تكون خاصه بديننا

شكرا يا عبد الرحمن

اسئله صعبه اوى
انا هجاوب رغم انى عارف ان احتمال كبير تبقى غلط

مين اول طبيبه مسلمه؟؟
ممكن تكون اسماء بنت ابى بكر
من هو ابن الذبيحين؟
مش عارف
كم مره ذكر اسم مصر في القران ؟؟
اعتقد مرتين

مش متاكد بس ادينى بحاول

اظاهر انا كمان ميييييح....متشكرين يا بيرو ادينا عرفنا معلومات مش كنا نعرفها
طيب هتعملوه ايه.... نخلى تهانى تسال المره دى ؟؟

عارفين رغم ان الاسئله مش بنعرف نحلها
لكن كفايه اننا بنعلم بعض بس ياريت مش ننسى المعلومات دى
بجد انا فرحان لمشاركتنا فى المسابقه واننا متفاعلين كلنا مع بعض

من هو اول من جاهد فى سبيل الله ؟
انا اللى اعرفه ان سيدنا داود كان اول من استخدم الحديد فى صناعه السيوف....ممكن يكون فى قصه طالوت وجالوت
عدم قتل طالوت جالوت

من هو اول فدائى فى الاسلام ؟
لا اعرف
من الأنبياء الذين لقيهم سيدنا محمد (صلى الله عليه وسلم ) في السموات ليلة الإسراء والمعراج؟
سيدنا ادم وسيدنا ادريس وسيدنا ابراهيم.....صح؟؟

ايوه اكيد هى كانت فكره حلوه وان شاء الله مش هننساها

الاجابات بقى

من الأنبياء الذين لقيهم سيدنا محمد (صلى الله عليه وسلم ) في السموات ليلة الإسراء والمعراج؟

انتوا الاتنين جاوبتوا صح برافو عليكو بس الاجابه ناقصه وهما كاملين :

في السماء الأولى: أدم عليه السلام

في السماء الثانية: عيسى ويحيى عليهما السلام

في السماء الثالثة: يوسف عليه السلام

في السماء الرابعة: إدريس عليه السلام

في السماء الخامسة: هارون عليه السلام

في السماء السادسة: موسى عليه السلام

في السماء السابعة: إبراهيم عليه السلام

اما اجابة الاسئله التانيه:
من هو اول من جاهد فى سبيل الله ؟
سيدنا ادريس عليه السلام

من هو اول فدائى فى الاسلام ؟
هو الامام على بن ابى طالب

متشكرين يا تهانى على الاجابات والمعلومات دى
بس دلوقتى مين اللى هيسأل؟؟

انا كبرت الخط يا عبير..... يلا ابدأوا جاوبوا الاسئله