بنفــــ أبدأ ـــــسك

ياااااااه المقاله دي جايه في وقتها النهارده وانا رايحه التدريب من شارع الهرم لشارع السوداناخت ساعه ونص مش حرام المهم ان سؤاقين الميكروباص مقرفين وضيقني واحد منهم جيت اتكلم راح كل الي جنبي فضل يقولي خلصي يا انسه ومتاخرين ومعلش وحاجات تخليك حاسس انك الي غلطان وسلبيه لانهائيه لدرجه اني كنت هعيط عشان الناس اتعملوا معايا ككاني الي غلطانه وواحد راح قالي يا انسه انا عارف انك بتكلمي عن مبدا قلت هيييييييييييييا حد فهمني راح قالي بس انت مش هتغيري العالم قلت انا هبدا بنفسي والدنيا هتتغير راح الرجلين فضلوا يتريقوا ويقولوا دي عايزه تعمل اعاده هيكله
انا اتغظت وقلت هو مين الغلط انا ولا هو بس بعد كلامك انا الي صح الحمد لله حد دعمني
وممكن اقول حاجه كن ايجابيا مع ذاتك والعالم من حولك

وفي مقوله افتكرتها وانا بقرا كلامك لانشتاين (تقدر القيمه الحقيقيه للانسان بدرجه حريه من سيطرته ذاته)
اسفه للاطاله

يعني اسيب سائق الميكروباص يعمل الي عاوزه عشان هو مش هيفهم كلامي لا طبعا اه انا مش كلمته هو في الكلام ده بس هو لازم يعرف ان ليه حدود وواجبات وحقوق للاسف كان زمان لما حد يقول منطقه شعبيه كنا نفتكر الشهامه وحب البلد والرجوله داوقتي بنفتكر حاجات تانيه
المهم انا بس الكلام الي ليه علاقه بالموضوع عشان ابدا بنفسك يبقي لازم كل واحد يبدا بنفسه وميهموش انه الوحيد الي بيتكلم او الوحيد الي بيعمل الصح
و ان شاء الله تكتب اكتر واكتر

موضوع جمييل يا عبد الرحمن

وبعدين احنا قلنالك قبل كده انت بس اكتب واحنا نقرا بس انت اللى مسمعتش الكلام

كل واحد المفروض صح يبدأ بنفسه ويعمل اللى هو عايز يعمله لان لو فضل مستنى حد قبله يبدأ ممكن يستنى كتييير اوى وبرده ميعملش حاجه

وبيرو بصى انا مش هاقولك اللى انتى عملتيه غلط لانه مش غلط انا ساعات بتنرفز من ناس كده فى الشارع من تصرفاتهم وبعدين ماما او اخواتى يقولولى متتكلميش معاهم عشان اللى فى دماغهم مش هيغيروه بس انا ببقى نفسى ازعقلهم واعبر عن رايى بس ببقى اكنى بكلم نفسى
بس قريت النهارده مقوله بتقول
( لا تجادل الأحمق .. فقد يخطئ الناس في التفريق بينكما )

بصى انا مش بقولك مش تقولى رأيك لان ساعات بتبقى الحاجه تنرفز جدا وتخليكى تبقى عايزه تتكلمى باى طريقه بس معلش بقى


اسفه انى طولت عليكوا

بجد يا عبد الرحمن ماتتاخرش علينا بقى فى مقالاتك

انا مش بجادل معاه بس مش ينفع اكون سلبيه