منتديات اسرة سوا
مرحبا بك
اذا كنت زائرا فأهلا بك ونرجو تسجيلك معنا واذا كنت عضوا فنرجو دخولك للإشتراك

منتديات اسرة سوا

 
الرئيسيةالبوابةس .و .جبحـثالتسجيلدخول
حد هيروق معايا المنتدى علشان العيد ولا الضيوف ييجوا يشوفونا بالمنظر ده

شاطر | 
 

 هو وهيا والفالنتين ثالثهما

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
bero_jan
مشرفة
مشرفة


عدد الرسائل : 3167
الشهرة : 3abeer 3abd el3aziz

مُساهمةموضوع: هو وهيا والفالنتين ثالثهما   7/11/2008, 6:00 pm

هو وهيا والفالنتين ثالثهما
دخل المفعوص فلذة كبدها عليها البيت وماسك فى ايده دبدوب فيه برائة زى طفولته وفى أيده التانيه حاجات حمراء وورود وقلوب وحاجه كده خلتها تحب على روحها
هيا : يحيى ايه اليى فى ايدك ده ولمين جايبلى قلوب يا يوحا
يحيى : ايه يا ماما ده لكنزى صاحبتى
هيا : وامك يا يحيى
يحيى : لسه بدرى على عيد الام
هيا : عيد الام يله يعنى هلاقى بختى فيكوا كنت لقيتوا مع اليى جابكوا
وبعدين مع نفسها كده والحاجات الحمرا لسه ضاربه فى شرايين قلبها وحاسه بنغششه فى مشاعرها
هيا : واد يا يحيى
يحيى : ماما ما اسميش واد
هيا : وانا امك أأقالك اليى احب اأقوله وبعدين انتا ابنى ولاا مش ابنى انا ااقولك اليى عايزه ااقوله
وله النهارده ايه
يحيى : الاتنين
هيا : لا الهديه لايه (بتزغرله )
يحيى : عيد الحب الفالنتين
هيا : اما اشوف ابوك هيجيبلى ايه وقعته سوده لو جاب اليى فى بالى (فى سرها )
بعديها وهيا على نار الشوق والأنتظار وقاعده فى نفسها تكلم يا ترى هيفتكر ولاا لا هيفتكر ويطنش
شويه ومش كتيره داخل عليها بكيس جوافه وكيلو موز
هو : نجوى امسكى منى الشنط دى
هيا : (امسكى منى) أيه جوافه موز انتا مجبتش بصل اخضر ليه (وهيا بتتريق من هول الصدمه)
هو : خلاص المره الجايه
هيا بتكدب فى روحها لا هو مخبى الهديه او اضعف الاحتمالات هو هيجى يقلى كل عيد حب وانتى حبيبتى اكيد اكيد
شويه وهيا داخله عليه الاوضه محمد محمد محمد هو النهارده ليه الدنيا كلها احمر
هو: يمكن ماتش للاهلى
هيا : هو انتا ليه بتيجى من الشغل تسلم على السرير قبل ما تسلم عليا
هو : تعبان يا حبيبتى وببقا زهقان من المواصلات والتعب
هيا : اه طب نرجع للاحمر
هو : ماله الاحمر يا حبيبتى (وهو تعبان لا هلكان )
هيا : طيب انتا مقولتليش ليه كل سنه وانا طيبه
هو : لسه بدرى على عيد ميلادك
هيا : وفرحانه من جواها قوى ...ده فاكر عيد ميلادى يا حبيبى بس برضه الفالنتين اشمعنى البت كنزى صاحبة المقروض ابنى
هيا : لا لا لا مش عيد ميلادى آهى آهى آهى يا ميلة بختى
هو : طب انام ساعه و اصحى اعدلك بختك المايل
هيا : عمرك ما قولتلى كلمه حلوه ..عمرك ما دخلت عليا بهديه ولاا حاجه فى ايدك ولاا دلعتنى فى يوم وعشتنى بره هو انا ايه مش ست مش مراتك ..خدتنى لحم وبترمينى فى البيت عضم..
هو ينظر اليها فى دهشه وعنيه بتقول يا قطه (يالى بتاكلى وتنكرى )
هو : خلصتى الموشح الندبى الاندلسى ده
هيا : آهى آهى آه يله (وبتلم فى روحها وماشيه من الاوضه )
هو : انا عمرى ما قولتلك كلمه حلوه
هيا : اه (و تلتفتله بوشها )
هو : مين من شويه قايلك اعمليلى عصير جوافه يا حبيبتى
هيا : انتا وقولت حبيبتى اه بس عشان الجوافه
هو : انا عمرى ما جبتلك هديه مش من سبع شهور فاتوا جايبلك قميص نوم هديه
هيا : آه بس عشان رغباتك
هو : وانا عمرى ما دخلت عليكى بحاجه انا مش داخل من شويه بكيس جوافه وكيس موز
هيا : آه بس عشان بطنك وعيالك
هو : وطب مش درجلى انا عليكى من الشغل بالسلامه وانا كويس ومش فيا تعويره ولاا معايا مصيبه اكبر هديه
هيا : ( صمت وسكون ووداعه ) آه يا اخويا ربنا يخليك لينا
هو : ومش ولادنا حوالينا ماليين علينا الدنيا بشاقوتهم وطلباتهم ومشاكلهم دى اكبر هديه ممكن اسيبهالك او اجيبهالك
هيا : الكلمتين اليى عن درجله بالسلامه وعن العيال لعبوا فى قلبها قوى وحركوا مشاعر الوداعه والحنيه جواها وبصتله كده وهيا بتهرش فى دماغها وقالتله ..بس نفسى برضه تجيبلى حاجه حمرا ..
هو : حط ايده تحت المخده وطلع ورده بلدى وقالها زى كده مثلا
هيا : الفالنتين
هو : انتى ناسيه ان فى اوان الورد البلدى بدخل عليكى كل يوم بورده
هيا : لا مهو عشان قصارى الزرع بتاعتك
هو : بصلها بحب آه هيا مخها ضارب بس الله يكون فى عونها اكيد من حرارة المطبخ
هيا : بصتله بحب وقالت ما كفايه صحيح هو والولاد عليا وجودهم فى دنيتى احلى فالنتين فى حياتى
وبسسسسسسسسسسسسسسسسسس.


....

_________________
Rolling Eyes



أنا المصــرى كريـــم العنصرين
بنيــت المجـــد بيــن الإهراميـــــن

جدودى أنشــأوا العلـــم العجيــب
ومجرى النيل فى الوادى الخصيب
...
لهــم فى الدنيـــا آلاف الســـــنين
ويفــنى الكـــــون وهم موجـــودين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sara essam
مشرفة
مشرفة
avatar

عدد الرسائل : 1920
الشهرة : الكونتيسة

مُساهمةموضوع: رد: هو وهيا والفالنتين ثالثهما   7/11/2008, 9:39 pm

هههههههه
حلو بس ابقي ركزي للاخر

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
veto
مشرف
مشرف
avatar

عدد الرسائل : 910
الشهرة : veto

مُساهمةموضوع: رد: هو وهيا والفالنتين ثالثهما   7/11/2008, 9:48 pm

حلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amratef
عضو ذهبى
عضو ذهبى
avatar

عدد الرسائل : 1044
الشهرة : aimar

مُساهمةموضوع: رد: هو وهيا والفالنتين ثالثهما   7/11/2008, 10:26 pm

يحيى : ايه يا ماما ده لكنزى صاحبتى
هيا : وامك يا يحيى
يحيى : لسه بدرى على عيد الام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tofa_s
عضو برونزى
عضو برونزى
avatar

عدد الرسائل : 641
الشهرة : tofa

مُساهمةموضوع: رد: هو وهيا والفالنتين ثالثهما   12/11/2008, 7:50 am

شوفتوا فى الاخر يضحك علينا بوردة حمرا
عليه العوض ومنه العوض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nosa
مشرفة
مشرفة
avatar

عدد الرسائل : 2650
الشهرة : nosa ahmed

مُساهمةموضوع: رد: هو وهيا والفالنتين ثالثهما   12/11/2008, 10:42 am

حلوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هو وهيا والفالنتين ثالثهما
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسرة سوا :: عتريس وبهانه :: الست بهانه-
انتقل الى: