فضفضة

انا بقى عندى حاله من العزيمه اللى كانت اختفت عنى فتره بس الحمد الله انها رجعتلى عشان انا محتجلها
وان شاء الله هحسن من نفسى عشان لو فى حد زعلان منى يرضى
وهوصل ان شاء الله الى اللى انا عايزه
وارجع انا اللى الناس كولها لسه مشفتنيش عليه
محمد حامد
ان شاء الله

هاي ياجماعة
انا شايفة ان اغلب الناس اللي هنا بيشتكوا من
اصحابهم طلوا مش اصحابهم وبتصدموا فيهم
هي ظاهرة انا شفتها في اغلب المواضيع هنا
ليه انا مش عارفة ليه ؟؟؟
ياريت حد يقلي
لاني انا كمان عانيت من ده من الناس اللي اعتبرتهم من اعز الناس والاصحاب لي لدرجة اني فضلتهم عن اصحاب لي ياريت حد يقولي حل للمشكلة المتكررة من كتير من الناس
في اقرب وقت.

اولا..اهلا بيكى يا سندريلا فى المنتدى
ثانيا..فيه اسباب كتير تجعل اصدقاءنا يتغيرون
سواء من حقد او غيره.....او حتى صداقه المصلحه والتى تنتهى بزوال المصلحه
دائما يكون الخطأ فينا لاننا من اختارنا الصديق من البدايه
فلنا ان نتحمل قسوه ما يقوم به من الافعال لانها عاقبه الاختيار
اما بخصوص الحل
فاعتقد انه من الضرورى التأنى فى اختيار الصديق

انا الحمد لله بدات افتح الكتب وده شئ مفرحني بس الموضوع اللي كان محيرني بيزيد كل يوم ولازم اشوف حل عشان انا مش ناقص وش في دماغي الحمد لله اني قدرت اتخلص من مشاكل النشاط وظبطت علاقتي بكل الناس يقوم يطلعلي موضوع يشغلني طب هعمل ايه هو ده حال الدنيا بس انا باذن الله هعرف احطله حد بس شويه كده لحد ما اتاكد

ان اصعب احساس الاحساس بالوحده...وانت تملك الكثير من الاصدقاء ولكن وانت فى وسطهم تحس بالوحده
انا معاكى فى النقطه دى
اما موضوع الفضفضه فغالبا تكون عدم ثقتك فى الاخرين هى سبب ذلك

بجد ده اصعب احساس

اولا ازيكووووووووووا
ثانيا ياريت تتقبلوا فضفضتى يمكن دى اول او تانى مرة افضفض هنا بس بجد نفسى اقول حاجات كتيرر
اولا منها المذاكرة
ثانيا المشوار بتاع الجامعة مقرف جدااااااااا
ثالثا الدنيااااا
رابعا حياتى كلهاااا

اولا المذاكرة نفسى زى مابعمل اعتبار لحاجت تانية ووقت اعمل للمذاكرة برضة
ثانيا المشوار مقرف وبعيد وبروح لوحدى وباجى لوحدى وكمان يعتبر ليا مليش زمايل اروح واجى الاغلب فى حلوان وقريبن من الجامعة
ثالتا الدنيا كلها مبقاتش طايقهااااا من كل حاجة ومش عارفة لحد امتى هبقى كدة
لدرجة انى مبقتش عاوزة اسمع لحد ولا اشوف حد ولا اتكلم مع حد بقى ماشية مبدا لا اسمع لا ارى لا اتكلم
ليه الانسان عشان من جوها ابيض اتعود انه لما يتكلم يتكلم بحب ليه الناس بترد بطريقة غير المتوقع بيها
لازم الواحد ينافق ويكذب ويتكلم بطريقة وحشة عشان الناس تحترمه وتتكلم معاه ويعرف يرد لو اتقالت كلمة وحشة فى حقة
ولا عشان الانسا كويس وبتعامل بحسن نية وبحب يبقى بقى لما يتقاله كلمة وخشة فى حقه يتصدم ويتنح وميعرفش يرد
ليييييييييييييييييييييييييييييييييييييه الناس كدة

انا بجد مبقتش عاوزة حاجة من الدنيا دى غير رضا ربناواهلى عنى ونفسى دة يتحقق زى منا عاوزه
يارب ماكونش خنقتكوا بكلامى

اميره..اذا كنتى لا تملكين اصدقاء فنحن اخواتك
اما موضوع المزاكره..انا شايف ان اهم حاجه للانسان مستقبله
ممكن تحاولى تزكرى ولو نصف ساعه فى اليوم
اكيد هتفيدك فى الامتحان
لا تجعلى اليأس يتملك منكى...لانه سوف يدمرك قبل ان يدمر الاخرين
الحياه جميله..اذا كان معظمها سئ لما لا ننظر الى الجزء الحلو
اما موضوع معامله الناس فانا شايف ان الانسان يجب ان يعامل الناس بما داخله
بدون نفاق ولا كذب..حتى لو كانت الصراحه مؤلمه
فستكون اقل ألما عندما يعرف الناس انك منافق
لا استطيع ان اصف الحياه بالجنه...ولكن ايضا لا استطيع ان اصفها بالنار
اقتربى الى الله....فمن ارضى الله فى سخط الناس...رضى الله عنه وحبب الناس فيه
اما من ارضى الناس فى سخط الله....سخط الله عليه واسخط الناس عليه
حاولى ان تجدى شخص يسكن بالقرب منكى...وان لم تجدى فاجعلى الكتاب رفيقك
فانه خير رفيق
يارب يكون كلامى مقنع
وان شاء الله...تبقى احسن من دلوقتى

صدقنى ياجولدن انا فعلا بعمل كدة الكتاب للمصحف لبقرا المحاضرة الى هخدها بس انت عارف لما تركب وتعد وحوليك
الكل بيعد مع اصحابه بتحس باحساس برضة وية مؤلم

انا مش عاوزة ارضى الناس انا الحمد لله برضى ربنا اولا وربنا بيخلى الناس تقتنع بكلامى بس المشكلة انك تعامل الناس
بالى انت حاسه

بس ان شاء الله هبقى احسن عشان نفسىى وبس

ومتشكرة على ردك

بص يا ميدو
انا كل اللى هقدر اقولهولك
حاول ماتزعلش حد منك
ولو حد حسيت انه زعلان منك حاول انك تصالحه

عارف يا جولدن من البدايه غلط لان من المستحيل اننا نرسم للناس صوره بحيث نخليهم ملايكه
انت اصلا انسان جدع وبتعرف تعدي من اي موقف صعب
انا بقي مخنوقه مووووووووووووووووووووووت
اصعب حاجه انك تبص للناس وتكون مضايق ومش عارف تفتح بقك بكلمه واحده
انا بقي يا سلفر كل ما يبقي عندي امتحان تحصل مشكله في البيت وبذاكر وبخلص المهج بس بعد ما اخلص اخرج بزيرو فهم

لان حزن الانسان حين يكون فى القلب فقط
دون ان يرى الجميع حزنه شئ صعب جدا
تجد نفسك تشتعل من داخلك
عايز اعرف اما انسان يرسم لانسان اخر صوره معينه فى خياله
صوره جميله لا يشوبها شئ
توافقه على كل شئ
وفجأه تجده يتغير
فكل شئ جذبك اليه يتغير
وتصبح مجرد صفحه بالنسبه اليه
يستطيع ان يقطعها فى اى وقت
يغمرك احساس انك لم تعرفه من البدايه
تحس كانك لا تعرف عنه شئ
لتتحول الصوره التى رسمتها الى صفحه سوداء
تتسأل هل هذا هو الانسان الذى عرفته من البدايه؟؟
ana ma3k ya golden alnas betteghayar khales we kolah beta3 maslahto we bas ana batkheda3 fi el nas keter

انا بأه متردده جدا جدا, وعلى فكرة التردد ده مش موجود فى كل حاجة فى حياتى بالعكس انا ساعات بكون منظمة ومتفاءلة جدا جدا ومرحة ومش بحب اشيل هم حاجة خالص بل بالعكس انا دائما الحمد لله سيباها على ربنا
بس انا فجأه لقيت نفسى اتحطيت فى موضوعين ويجب عليا الاختيار بينهم وانا مش عندى القدرة انى اختار فى الموضوعين دول كده واتحمل مسؤلية ان ممكن حد يقولى انتى السبب فى ده الموضوعين دول انى اختار الارتباط بين ابن خالتى وواحد تانى وده كويس وده كويس بس المشكلة انى حاسة انى مستريحة اكتر لابن خالتى بس هو لسة فى حاجات كتيرة ناقصاه بمعنى اصح انا حاسة ان ممكن يكون ابن خالتى يكون فيه مميزات الواحد التانى لكن التانى مش ممكن يكون فيه مميزات ابن خالتى بس برده انا خايفة ابنى استنتاجى ده على مجرد احساس وفى نفس الوقت الموضوع لا يحنمل التجربة اذا كان بالنسبة لابن خالتى عشان صلة رحم او بالنسبة للتانى عشان مخسرش برده ابن خالتى احتمال يكون كويس
ازاى اعالج ده وانا عارفة كويس اوى ان مش فى حد كامل وان الغيب ده بأيد ربنا وازاى اختار حد ممكن يناسبنى ومرجعش اندم على كده بعد كده
شكرا جدا ومعلش طولت
ارجو الرد

الارتباط بين ابن خالتى وواحد تانى وده كويس وده كويس
اولا السلام عليكم
بالنسبة الى ابن خالتك هل هو على اتصال دائم . هل ياتى الى منزلكم دائما .هل هو على علاقة قوية مع اخوكى علاقة صاحب وصحبة؟
اولا يجب الاجابة على هذة الاسئلة وان كانت الاجابة بنعم لابد من ان تبتعدى عنة ولو لفترة قصيرة لمعرفة احساسك نحو ابن خالتك هل هو
احساس اخت لاخوها

ثانيا الواحد الاخرماهو شعورك نحوة عندما تم التقابل اول مرة وهل هو شخص ذو اخلاق وماذا يعمل وهل يسكن فى نفس المنطقة
وهل تعرفية معرفة جار لجارة ام لا ؟

وان تقومى بعمل استخارة
والخيرة فيما اختاره الله زى ماقالت سارة ( المكتوب على الجبين لازم تشوفة العين )