أختار واسال برحتك

موضوع: رد: أختار واسال برحتك 4/10/2008, 10:54 pm

انا اكبر حلم فى حياتى انى امسك اقتصاد البلد

من حيث انى ينفع احققة ولا لأ فأنا شايف ان مفيش حاجة اسمها مستحيل

بس للأسف انى مبعملش دلوقتى حاجة تساعدنى لدة

سؤالى لجولدن:::

انت ممكن تتنازل عن مبدأ عشان خاطر حد بتحبة؟؟؟؟؟؟؟؟؟

موضوع: رد: أختار واسال برحتك 8/10/2008, 7:55 pm

من الصعب ان يتنازل احد عن مبادئه
ولكن اذا اقتنعت بان المبدأ الذى اسير عليه خاطئ
فسوف اغيره

سؤالى: لعبير
كل انسان ليه حلم عايز يحققه...بتحلمى بايه؟؟

موضوع: رد: أختار واسال برحتك 9/10/2008, 10:08 pm

بص انا حلمت 20 حلم وكل ما احلم الدنيا تتقفل في وشي كان نفسي اكون مهندسه ديكور وبرده يكون عندي جاليري بس لاسباب خارجه عن ارداه الانسان مش هينفع اكون مهندسه ديكور فيمفع بس افتح جاليري ولان ده مشواره طويل اوي لاني نفسي في جاليري كبير ونوعه مختلف عن الموجودين
لكن دلوقتي انا نفسي اشتغل في شركه ابدا صغيره وانتهي كبيره وبعد كدا افتح شركه استيراد وتصدير وبعدين اخد الحاجات الي بستورده واعمل بيها الجاليري
ياااااااه حلم طويل بس انت الي طلبت

موضوع: رد: أختار واسال برحتك 9/10/2008, 11:20 pm

معلش نسيت السؤال السؤال لساره عصام امتي اختي قرار وبعدين ندمتي عليه؟

موضوع: رد: أختار واسال برحتك 25/10/2008, 9:26 pm

ممكن يا عبير توجهى السؤال لعضو اخر...ساره لم تجاوب حتى الان...كى تسير اللعبه هذا السؤال استمر اكثر من 10 ايام

موضوع: رد: أختار واسال برحتك 2/11/2008, 9:32 pm

سؤالي ليك اكتر حاجه في حياتك ممكن تحافظ عليها؟

موضوع: رد: أختار واسال برحتك 3/11/2008, 5:01 pm

اعتقد اننى لا املك اغلى من قلبى لاحافظ عليه
مهما حدث..ومهما لاقى من عذاب
فاعتقد ان لى الحق فى ان احافظ عليه من اي شئ
من الحب الكاذب والحياه المره ومن بطش الزمان
ومن عذاب القدر ومن النفاق ومن الخيانه
لاننا اصبحنا فى حياه شعارها الكدب
والنفاق
واصبح الحب مجرد كلمه يتلاعب بها القلب قبل اللسان

سؤالى لميدو
لكل منا ماضى سواء حزين او سعيد ...فماذا يعنى لك الماضى...والى اين يذهب مستقبلك؟؟

موضوع: رد: أختار واسال برحتك 16/11/2008, 8:59 am

ارجو من العضو ميدو الاجابه على السؤال

موضوع: رد: أختار واسال برحتك 17/11/2008, 12:55 pm

ماذا يعنى لى الماضى

بص
الماضى بالنسبالى اكيد مهما كان حزين اوى سعيد
ومهما كان بيه من جراح
بس بسعد بيه اووى
لانى ممكن اكون بتعلم منه فى حاجات قليله
وبحاول انى اتعلم من كل اللى بيحصلى
بس عمرى ما بنساه ابدا يمكن مبحبش فى حاجات
بس
الحاجات دى انا اللى عملتها فلازم
اشلها لو كويسه وافتكرها
واتعلم منها لو وحشه او غلط

ويمكن انا استنيت ومردتش كل الفتره دى عشان الجزء التانى من السوال

الى اين يذهب مستقبلى
طبعا مش كل اللى بنتمناه بنلقيه
بس اكيد الخيره فيما اختاره الله
وبجد النهارده بس هقدر ارد على الجزء ده
مستقبلى بدات اخططله بجد وبتركيز عشان اوصل الى اللى انا عايزه
واكون افضل من اى حد
لانى لازم اعرف قيمه نفسى واعرف انا عايز ايه
لانى مش وحش ولا ضعيف
وانا كده بمساعده الناس اللى بتحبنى
لانى انسان نفسى
اقدر اعمل كل حاجه لو مرتاح نفسيا اكتر من اى حد
وممكن ابهدل اقل الحاجات لو مضايق

اتمنى انى اكون جاوبت على اللى انت عايزه

سوالى لشريف
انا بالنسبالك ايه
زى اى حد
ولا لا

مشرف عدد الرسائل : 910 الشهرة : veto

هههههههههههههههههههههههههههههههههههههههههه

يبنى عيب الكلام دة على الموقع المكان دة فى ناس بتاكل عيش من وراه

بص يا حامد انت عارف كويس اوى انك ليك معزة عندى اوى لانى بجد بحس انك اخويا الصغير بس والله محدش فعلا بيقدر ظروف حد انت جيتلى فى وقت الدنيا كلها فوق دماغى ومش شايف ادامى بس اكيد انك عارف انك عندى شخصية مميزة

سوالى لانور

تفتكر يا انور لو حد صاحبك تعرفة من فترة لكن اتعرفت على حد تانى اكيد هوة احسن منه ممكن تضحى بحد عشان التانى ؟؟ولية؟؟

موضوع: رد: أختار واسال برحتك 24/11/2008, 12:30 am

لا طبعا عمرى ما هضحى بية

لان مش بالساهل تلاقى صاحب كويس ولما يبقى عندك اتنين فمش هيخسروا

سؤالى :::::::::::::::::::::::::::::::::::لحامد

اية رأيك فى محمد أنور ؟؟؟؟واية رأيك فى الأخ الأكبر محمد أنور؟؟؟؟؟؟؟؟

موضوع: رد: أختار واسال برحتك 29/11/2008, 4:12 pm

عايز تعرف ردى
الاول
محمد انور العادى
انسان بجد جدع ومحترم وانا بحبه جدااااااا

ثانيا
محمد انور الاخ الاكبر
معلش بس انت مينفعش تبقى غير ادارى
بمعنى لسه نقصاك حاجات عشان تبقى قائد
لان من وجهه نظرى القائد لازم يتمتع بصفات
يمكن ابرازها ازاى يلم الناس حوليه

سؤالى لعبير
ايه اكتر حاجه بتحبيها
واكتر حاجه بتقرهيها
فى صحابك القريبين

موضوع: رد: أختار واسال برحتك 30/11/2008, 8:46 pm

اكتر حاجه بحبها انهم يكونوا مرايتي
واكتر حاجه بكرها الكدب
سؤالي لانور انت ليهمش عارف تبطل سجاير؟؟؟؟؟؟؟؟؟

موضوع: رد: أختار واسال برحتك 30/11/2008, 8:57 pm

لأن هى الصاحب الوحيد اللى انا وهو متفاهمين وبتقف جنبى فى اى موقف

سؤالى لمحمد حسن:

انت اية ممكن تعملة لو بقيت اخ اكبر للأسرة؟؟؟؟؟؟

موضوع: رد: أختار واسال برحتك 1/12/2008, 10:02 pm

التوفيق من عند ربنا ده غير ان انت عارف ان فى الظروف الطبيعيه انا كنت رأيى ايه فى الموضوع ده

سؤألى لمحمد أيمن ايه رأيك فيا

موضوع: رد: أختار واسال برحتك 5/12/2008, 12:02 am

بصراحه في اول مره شوفتك فيها كنت مخنوق منك جداااااا علشان كان في اجتماع وكده
بس لما عرفته بقه اقدر اقول طيب وجدع ويعتمد عليه بس في اوقات بيبقه بيتكلم رسمي اوي زياده عن اللزوم زي موظفين الحكومه كده وفيه كمان صفه مش في اي حد دلوقتي انو زملكاوي يا جماعه وده وسام علي صدر اي انسان
السوال
طالما فيها ايه رايك وبتاع
يبقه لانور
ايه رايك في الدفعه اللي دخلت الاسره السنه اللي فاتت فرد فرد(ساره عبير حامد سيد ايمن ..... )؟

موضوع: رد: أختار واسال برحتك 6/12/2008, 8:29 pm

دة عشر اسئلة فى بعض
هو استجواب ولا اية؟؟؟؟؟؟؟؟

بص انا هقول رايى فى كل واحد فى اربع او خمس كلمات بالكتير

1_سارة عصام:محترمة جدا وطموحة
2_عبير:جدعة وصوتها عالى
3_حامد:طيب بس برضة متسرع
4_سيد:شخصية رائعة ولايقبل الرأى الأخر
5_ايمن:بيفكرنى بنفسى فى حاجات اول ما دخلت الجامعة

سؤالى لشريف:انت اية حلمك الشخصى جدا اللى نفسك تحققة ؟؟؟؟

مشرف عدد الرسائل : 910 الشهرة : veto

اية يا عم مدام شخصى يبقى اكيد مش هقوله لحد ولو قولته ميبقاش شخصى صح

بس هقولك حاجة انا صحيح الحمد لله الحمد لله
عارف انا عايز اية كويس فى صورة اهداف بس محطتش لنفسى نقطة معينة لما اوصلها يبقى كدة عملت اللى فى نفسى لا بالعكس دة انا ممكن كل ما يعدى عليا يوم جديد الاقى نفسى طلعلى هدف جديد صحيح دة بييجى على حساب اعصابى واهتمامى بناس انا عارف انهم بيعزونى وى بس للاسف دى حاجة غصب عنى

بس حاليا ابعد حاجة فى دماغى وبرضة مش هقف عندها انى اعمل شركة زى بتاعة مايكروسوفت بحيث يبقى عندى نسخة ويندوز كاملة بتاعتى ودة يتطلب لغة برمجة جديدة من اختراعى وبرضة قاعدة بيانات حد فهم حاجة

سوالى لسارة عصام

اية اكتر عيب شايفاه فى نفسك مش عارفة تغيرية وانتى عارفة كويس انة بيزعل الناس منك؟؟؟؟؟؟؟

موضوع: رد: أختار واسال برحتك 7/12/2008, 11:47 pm

ههههههههههههههههه
بص هو مفيش حد هيشوف عيوبه
دي اول كلمة قولتها لنفسي لما شفت سؤالك
بس برضو فضلت افكر واقول لنفسي اعصري دماغك يا بلوظة
بس برضو مش لقيت يعني مش في حاجة معينة اقدر اقولك هيا دي
يعني ممكن حاجة تزعل حد ومش تزعل حد تاني يعني برضو مش انا اللي
اعرف احددها ممكن انتو اللي تقولولي اللي بيزعلكم مني وانا وقتها اعرف ذا كنت اقدر اغير
الحاجة اللي بتزعلكم دي ولا مش هقدر اغيرها وافضل ازعلكم؟؟؟؟
انا جاوبت بس معرفش دا اللي انت عايزوه ولا مش هوه....

سؤالي لعبير:
لقيت الصديقة اللي انت بدوري عليها ولا لسة ؟؟؟ ولو لسة هل انت متأكدة ان كل اللي
حوليكي مش ينفعوا يكونوا الصديقة دي؟؟؟؟

موضوع: رد: أختار واسال برحتك 11/12/2008, 3:25 pm

ساره لازم تتاكدي انا كعبير اصلا مينفعش اكون صديقه لذلك لن اجد صديقه
عموما انا بالنسبه ليا لما يكون كل الناس اخواتي يكون احسن
علي فكره الناس الي حوليا الايام ديه مكنتش احلم يوم اني يكون حوليا نصهم
سؤالي لساره برده
تعملي ايه لو كنتي بتحبي الناس اوي
و هما مش بيحبوكي اوي؟

موضوع: رد: أختار واسال برحتك 11/12/2008, 10:25 pm

عامل الناس كما تحب ان يعاملوك
سؤالي لميدو
امتى هتخرج من اللي انت فيه؟؟؟؟

موضوع: رد: أختار واسال برحتك 13/12/2008, 8:39 pm

طب معلش ممكن توضيح للسوال عشان انا مش فهمه

موضوع: رد: أختار واسال برحتك 15/12/2008, 4:40 pm

انت فاهم بلاش استهبال

موضوع: رد: أختار واسال برحتك 17/12/2008, 12:36 pm

خلاص كده اظن انك عرفتى الاجابه
سوالى لعبد الرحمن
جولدن
ايه رايك
فى
ايمن وساره وانا وسيد وسيلفروانور وشريف

موضوع: رد: أختار واسال برحتك 18/12/2008, 7:45 pm

انا اسف مبعرفش اجامل
انا هتكلم بصراحه بدون اى زعل
لانى مبعرفش انافق حد

ايمن
شخصيه مرحه جدا...يرى الدنيا بمنتهى البساطه
لذلك تمر عليه الاحزان كنسمات خفيفه..خائف ان رؤيته البسيطه للحياه
تجعله يختزل كل المشاكل التى يظنها بسيطه الا ان تصبح مشكله كبيره
يصعب حلها

ساره
شخصيه ناضجه...عقلها كبير جدا..غامضه الى حدا ما
تملك ثقه كبيره فى نفسها ولكنها لن تتحول الى الغرور
تعرف من اين تبدأ والى اين تنتهى...اتنبأ لها بمستقبل جيد جدا

ميدو
قلبه طيب اوى..وحساس اوى..دايما بيبص للجزء السئ فى الحياه
ولا ينظر الى الجزء الحسن بالرغم انه اجمل
نفسى يركز فى مستقبله لانه ساعتها هيبقى انسان مفيش زيه

سيد
انسان يحاول ان يغير الواقع بمبادئه واعتقاداته...التى يتمسك بها
كانها شريان من شرايين قلبه....اذا استمع الى الاخرين لاصبح
قائد عليهم

سيلفر
انسانه بمعنى الكلمه..طيبه ومحترمه جدا..تبهرك بمواهبها المتعدده
تبحث عن اى شئ قيم تغزى به عقلها..تملك الكثير من الطموحات
اذا استطاعت ان تقيم الوقت لاصبح العالم بين يديها

انور
شخصيه قويه جدا..يملك الكثير من الافكار ..مندفع الى حد ما
يتطلع الى ان يحصل الى مركز اكبر فى الحياه
طموح..لا ييأس الى عندما يضيق به حزنه
ليته يستطيع ان يحافظ على الاخرين

شريف
شخصيه تملك من العقل ما لا يقدره الاخرون..يبحث عن ما
هو جديد لتحقيقه...لا يخطو اى خطوه الا بعد ان يتدبر نتائجها
حسن التصرف..مشكلته انه لازم يعرف ان فيه شئ اسمه القلب
وانه يمكن ان يتفوق على العقل

انا اسف لو كلامى زعل اى حد منكم..اسف
سؤالى لعبير ايه رايك فى نفسك؟؟